MNS Workers Violence at Thane: मनसैनिकांनी बीडचा वचपा ठाण्यात काढला, राजकीय वातावरण तापलं

बीडमध्ये राज ठाकरे यांच्या ताफ्यावर ‘सुपारीबाज’ म्हणत उद्धव ठाकरे गटाच्या काही पदाधिकाऱ्यांनी सुपाऱ्या फेकल्या होत्या. याचे पडसाद शनिवारी ठाण्यात उमटल्याचे दिसले. ठाण्यात उद्धव ठाकरे यांच्या मेळाव्या दरम्यान मनसैनिकांनी आंदोलन करत, ठाकरे यांच्या ताफ्यावर शेणाचा, बांगड्यांचा मारा केला. भर रस्त्यात त्यांच्या ताफ्यावर नारळ फेकण्यात आले. त्यानंतर दोन्ही गटाकडून जोरदार घोषणाबाजीही करण्यात आली.