Sambhaji Raje Chhatrapati on Chhaava Trailer: अभिनेता विक्की कौशल आणि अभिनेत्री रश्मिका मंदाना यांच्या प्रमुख भूमिका असलेला ‘छावा’ चित्रपटाचा ट्रेलर नुकताच प्रदर्शित करण्यात आला. यातील काही दृश्यांवर आता आक्षेप घेतला जात आहे. चित्रपटाच्या ट्रेलरमध्ये छत्रपती संभाजी महाराज आणि महाराणी येसूबाई एकत्र नृत्य करताना दाखवले आहेत. यावरून सोशल मीडियासह काही संघटना रस्त्यावर उतरून आंदोलन करताना दिसत आहेत. या आक्षेपार्ह प्रसंगावर आता माजी खासदार संभाजीराजे छत्रपती यांनी आपली भूमिका मांडली आहे.