“लग्न मोडलं, नोकरीही गेली..”, सैफवर हल्ला केल्याचा संशय नी तरुणाचं आयुष्य उद्ध्वस्त

Saif Attacker Tag : १६ जानेवारीला सैफ अली खानवर हल्ला करण्यात आला. या प्रकरणात छत्तीसगढ येथील दुर्गमधल्या एका माणसाला संशयित म्हणून ताब्यात घेण्यात आलं. पोलिसांनी केलेल्या या कारवाईनंतर या माणसाचं आयुष्यच बरबाद झालं असंच म्हणता येईल. कारण आता त्याची नोकरी गेली, तसंच त्याचं लग्न ठरलं होतं तेदेखील मोडलं. शिवाय त्याच्या कुटुंबावर बदनामीचा शिक्काही बसला. ३१ वर्षांच्या आकाश कनौजिया नावाच्या ड्रायव्हरच्या बाबतीत हे सगळं घडलं आहे. मुंबई पोलिसांना १८ जानेवारीला मिळालेल्या माहितीनंतर त्याला दुर्ग स्टेशनवरुन ताब्यात घेण्यात आलं होतं.