Sanjay Gaikwad: कार्यकर्त्यांसाठी कमिशन सोडलं, गायकवाड यांच्या विधानावर आदित्य ठाकरेंचा टोला

मी माझं 35 कोटी रुपयांच कमिशन कार्यकर्त्यांना सोडून दिलं, असं वक्तव्य बुलढाण्याचे शिवसेनेचे आमदार संजय गायकवाड यांनी केलं होतं. त्यांच्या या विधानावरून राजकीय वर्तुळात एकच चर्चा रंगल्यानंतर त्यांनी सारवासारव केली. माझ्याकडून चुकून कमिशन हा शब्द निघाला, मला कामा संदर्भात बोलायचं होतं, असं स्पष्टीकरण आमदार संजय गायकवाड यांनी दिलं आहे. तर गायकवाड यांच्या विधानावर आदित्य ठाकरेंनी देखील प्रतिक्रिया दिली आहे.