Central Railway: मध्य रेल्वेची वाहतूक खोळंबली; लोकलचा डबा रुळावरून घसरला

डोंबिवली रेल्वे स्थानकातील प्लॅटफॉर्म क्रमांक १ वर कल्याणच्या दिशेने जाणाऱ्या लोकलचा एक डबा रुळावरून घसरल्याची घटना घडली आहे. संबंधित लोकल कारशेडमधून अंबरनाथकडे जात होती आणि त्या वेळी ती रिकामी (खाली) असल्याची माहिती आहे. सुदैवाने, या घटनेत कोणतीही जीवितहानी झालेली नाही. सध्या रेल्वे प्रशासनाकडून घटनास्थळी दुरुस्तीचे काम युद्धपातळीवर सुरू असून वाहतूक पूर्ववत करण्याचे प्रयत्न सुरू आहेत. या घटनेमुळे काही प्रमाणात रेल्वे वाहतुकीवर परिणाम होण्याची शक्यता आहे.