Beed Boat Accident: पुरुषोत्तमपुरीत भाविकांनी भरलेली बोट पलटली; १० ते १२ वर्षांचा मुलगा बेपत्ता |PS2

Beed Boat Accident : देशातील एकमेव भगवान पुरुषोत्तम मंदिर असलेल्या बीड जिल्ह्यातील पुरुषोत्तमपुरी येथे एक धक्कादायक घटना घडली आहे. अधिकमास यात्रेसाठी आलेल्या भाविकांनी भरलेली बोट गोदावरी नदीत पलटल्याची घटना समोर आली आहे. जवळपास ५० भाविकांना घेऊन जाणारी ही बोट क्षमतेपेक्षा जास्त प्रवासी बसविल्यामुळे पलटल्याचा आरोप बोटीत प्रवास करणाऱ्या भाविकांनी केला आहे. सुदैवाने मोठी जीवितहानी टळली असली, तरी १० ते १२ वर्षांचा एक मुलगा अद्याप बेपत्ता असल्याची माहिती मिळत आहे. बोटीतून प्रवास करणाऱ्या महिलांनी अक्षरशः पाण्याच्या तळाशी जाऊन परत आल्याचा थरारक अनुभव सांगितला.