नवी दिल्लीतील ‘जंतर मंतर’ या आंदोलनासाठी बंदी घातलेल्या मैदानात परवानगीशिवाय घुसून घोषणाबाजी करणाऱ्या ‘कॉक्रोच जनता पार्टी’ या संघटनेच्या तीन प्रमुख नेत्यांना दिल्ली पोलिसांनी ताब्यात घेतले होते. सौरव दास, आशुतोष रांका आणि अजिंक्य शिंदे अशी या तीन नेत्यांची नावे असून, त्यांना आज मंदिर मार्ग येथील विशेष न्यायदंडाधिकारी न्यायालयासमोर हजर करण्यात आले. त्यानंतर सौरव दास आणि आशुतोष रांका यांना पाच दिवसांची न्यायालयीन कोठडी सुनावण्यात आली आहे. ही माहिती कॉक्रोच जनता पार्टीचे संस्थापक अभिजीत दिपके यांनी सोशल मीडियावर पोस्ट करत दिली आहे.












