01 December 2020

News Flash

विधानसेभतील छुप्या युतीचा उच्चार करून फडणवीसांचा सेनेला टोला

राष्ट्रवादी काँग्रेसशी छुपी युती केल्यामुळे भाजपने युती तोडल्याच्या शिवसेनेच्या आरोपांना शुक्रवारी भाजप प्रदेशाध्यक्ष देवेंद्र फडणवीस यांनी प्रत्युत्तर दिले.

| September 26, 2014 11:24 am

विधानसभेसाठी राष्ट्रवादी काँग्रेसशी छुपी युती केल्यामुळे भाजपने युती तोडल्याच्या आरोपांना शुक्रवारी भाजप प्रदेशाध्यक्ष देवेंद्र फडणवीस यांनी प्रत्युत्तर दिले. भाजप आणि राष्ट्रवादी काँग्रेसची युती होणे अशक्य असल्याचे फडणवीसांनी पत्रकारांशी बोलताना सांगितले. मात्र, याचवेळी विधानसभेत कामकाजाचे फिक्सिंग करण्यासाठी कोणती युती कार्यरत आहे, हे महाराष्ट्राला माहिती असल्याचे सांगत त्यांनी शिवसेनेला टोला लगावला. त्यामुळे येणाऱ्या काळात दोन्ही पक्षांत चांगलीच जुंपण्याची चिन्हे आहेत. आजपर्यंत भाजपने विधानसभेत राष्ट्रवादीच्या अनेक घोटाळ्यांचा पर्दाफाश केला आहे, तेव्हा त्यांच्याशी युती करण्याचा प्रश्नच येत नसल्याचे फडणवीस स्पष्ट केले.  दरम्यान, फडणवीसांनी आज विधानसभा निवडणुकीसाठी स्वत:चा उमेदवारी अर्ज दाखल केला. येत्या विधानसभा निवडणुकीत भाजपला शंभर टक्के विजयाची खात्री असल्याचेही त्यांनी यावेळी सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 26, 2014 11:24 am

Web Title: devendra fadnavis says maharashtra knows hidden tie ups in vidhan sabha
Next Stories
1 पृथ्वीराज चव्हाणांचा मुख्यमंत्रीपदाचा राजीनामा
2 राजू शेट्टी भाजपसोबत महायुतीतच राहणार
3 नव्या राजकारणाची नांदी!
Just Now!
X