भाजपच्या वाटेने निघालेले मुरबाडचे आमदार किसन कथोरे यांनी शुक्रवारी बदलापूरात पालकमंत्री गणेश नाईक आणि सिडको अध्यक्ष प्रमोद हिंदूुराव यांच्यावर तोफ डागली. अंबरनाथ रस्त्याचे तसेच बीएसयूपी योजनेच्या कामाचे श्रेय मला मिळू नये, यासाठी नाईकांनी ही कामे थांबवली. माझ्या पराभवासाठी राष्ट्रवादी गेली अनेक वर्षे प्रयत्नशील असून यापैकी काही नेत्यांकडून आपल्या जिवाला धोका असल्याचा आरोपही कथोरे यांनी यावेळी केला. मी वेळोवेळी हे अजित पवारांच्या कानावर घातले, मात्र पक्षाने मला वापरुन घेतले, अशी टिका त्यांनी केली.
