News Flash

‘साठी’ पार, पण उत्साह अपार!

गडचिरोलीत नक्षलवादी आणि पोलिसांमध्ये झालेली चकमक तसेच नागपूरात मतदान केंद्रावर वीज पडल्याची घटना वगळता राज्यात सर्वत्र शांततेत मतदान पार पडले.

| October 16, 2014 03:27 am

गडचिरोलीत नक्षलवादी आणि पोलिसांमध्ये झालेली चकमक तसेच नागपूरात मतदान केंद्रावर वीज पडल्याची घटना वगळता राज्यात सर्वत्र शांततेत मतदान पार पडले. राज्यात सरासरी ६४ टक्के मतदान झाले असून मुंबईतील मतदानाचा टक्का वाढून ५५ टक्क्यांच्या आसपास मतदान झाले. विधानसभेच्या २८८ जगांसाठी ३८४३ पुरूष तर २७६ महिला असे ४ हजार ११९ उमेदवारांच्या राजकीय भवितव्याचा ८ कोटी ३५ लाख ३८ हजार ११४ मतदार फैसला करणार होते. प्राथमिक अंदाजानुसार राज्यात सरासरी ६४ टक्के मतदान झाले आहे. सर्वच पक्षांनी आणि उमेदावारांनी ही निवडणूक प्रतिष्ठेची केल्यामुळे मतदानादरम्यान मोठय़ाप्रमाणात संघर्ष होण्याची शक्यता वर्तविली जात होती. त्यामुळे आयोगाने सर्वत्र चोख बंदोबस्त ठेवला होता. काही किरकोळ घटना वगळता राज्यात सर्वत्र सुरक्षित मतदान झाले. लोकसभा निवडणुकीच्या तुलनेत मुंबईतील मतदानात वाढ होऊन शहर जिल्हयात ५३.९६ तर उपनगरात ५६ असे साधारणत: ५५ टक्के मतदान झाले असून राज्यात मात्र ६४ ते ६६ टक्केपर्यंत मतदान झाल्याचा प्राथमिक अंदाज असल्याचे या अधिकाऱ्यांने सांगितले. राज्यात सर्वाधिक ७४.५१ टक्के मतदान कोल्हापूर जिल्ह्य़ात झाले आहे. विशेष म्हणजे शहरी भागातील मतदारांध्ये उत्साहाचा अभाव असला तरी गडचिरोली साखऱ्या नक्षलग्रस्त भागात  जोरदार म्हणजेच ७० टक्के मतदान झाले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 16, 2014 3:27 am

Web Title: maharashtra records 64 per cent voter turnout
Next Stories
1 भाजप-शिवसेनेतच मुंबईत लढत
2 ठाणे : शहरात उदासीनता ग्रामीण भागात उत्साह
3 विदर्भात मतदानास पाऊस, नक्षलवाद्यांच्या हल्ल्याचे गालबोट
Just Now!
X