कृषिमंत्री तथा शिर्डी मतदारसंघातील काँग्रेसचे उमेदवार राधाकृष्ण विखे व त्यांच्या पत्नी शालिनीताई यांच्याकडे साडेसोळा कोटी स्थावर व जंगम मालमत्ता आहे. राधाकृष्ण विखे यांच्याकडे ५ कोटी १६ लाख ३२ हजार ११६ रुपयांची जंगम मालमत्ता व त्यांच्या पत्नी शालिनीाताई विखे पाटील यांच्याकडे १ कोटी ६९ लाख ८३ हजार ४६८ रुपयांची जंगम मालमत्ता आहे. राधाकृष्ण यांच्या बँक बचत खात्यात २२ लाख १६ हजार ७५९ रुपयांची शिल्लक आहे. शालिनीताई विखे यांच्या बँक बचत खात्यात ३ लाख ७३ हजार ९२४ रुपये आहेत. तर राधाकृष्ण विखे यांच्याकडे २५ हजार ८८५ रुपये रोख तर शालिनीताई यांच्याकडे ५५ हजार ६४५ रुपयांची रोकड आहे. राधाकृष्ण विखे व त्यांच्या पत्नी शालिनीताई विखे या दोघांच्या विविध बँकेतील तसेच सहकारी संस्थांमधील खात्यांत तसेच बँक खात्यातील शिल्लक, बंध पत्रे, भागभांडवल, म्युच्युल फंड, राष्ट्रीय बचत योजना, विमा पत्रे असे मिळून ६ कोटी ८६ लाख १५ हजार ५८४ रुपयांची मालमत्ता आहे.
