देशात पंतप्रधान मोदींच्या नेतृत्वातील सरकार विकासाच्या महामार्गावरून मार्गक्रमण करीत असून येत्या विधानसभा निवडणुकीत महाराष्ट्राच्या विकासासाठी राज्यातील काँग्रेस राष्ट्रवादीचा विकासाच्या आड येणारा व्हायरस दूर करा, असे आवाहन केंद्रीय नौकानयन व रस्ते विकासमंत्री नितीन गडकरी यांनी उरणमधील जाहीर सभेत बोलताना केले. भाजपचे उरण विधानसभा मतदारसंघातील उमेदवार महेश बालदी यांच्या प्रचारार्थ शनिवारी जसखार येथील रत्नेश्वरी मंदिर मैदानात प्रचार सभेत ते बोलत होते.