News Flash

सरदार तारांसिंग यांची श्रीमंती पाच पर्षांत अडीचपट

मुलुंड विधानसभा मतदार संघातून विजयाची हॅट्ट्रिक पूर्ण करणाऱ्या आणि पुन्हा एकदा आपले राजकीय भवितव्य आजमावण्यासाठी सज्ज झालेल्या आमदार तारासिंग यांच्या श्रीमंतीमध्ये गेल्या पाच वर्षांत तब्बल

| September 27, 2014 03:16 am

मुलुंड विधानसभा मतदार संघातून विजयाची हॅट्ट्रिक पूर्ण करणाऱ्या आणि पुन्हा एकदा आपले राजकीय भवितव्य आजमावण्यासाठी सज्ज झालेल्या आमदार तारासिंग यांच्या श्रीमंतीमध्ये गेल्या पाच वर्षांत तब्बल दुपटीहून अधिक वाढ झाली आहे. सर्वसामान्यांचा आमदार म्हणून ओळखले जाणाऱ्या तारांसिंग यांची मालमत्ता ७ कोटीवरून चक्क  १९ कोटी झाली आहे. सरदार तारासिंग यांनी सन २००९च्या विधानसभा निवडणुकीत आपली स्थावर आणि जंगम अशी ७ कोटींची मालमत्ता असल्याचे नमूद केले होते. त्यामध्ये विविध बँकांमधील २ कोटींच्या ठेवी, १३ लाखांचे ९२ तोळे सोने आणि पाच कोटींची स्थावर मालमत्ता असल्याचे नमूद केले होते. यावेळी मात्र त्यात कमालीची वाढ झाली आहे.तारासिंग दांपत्याकडे ५ कोटींची जंगम संपत्ती आहे. त्यामध्ये ११ लाखांच्या गाडय़ा आणि ९२ तोळे सोन्याचा समावेश आहे. तर पडघा येथील ६० लाखाची जमीन, भांडूप, मुलुंड येथील घर आणि लोणावळा येथील बंगला अशी १२ कोटींची स्थावर मालमत्ता आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 27, 2014 3:16 am

Web Title: sardar tarasingh asset rise in five years
Next Stories
1 चौरंगी, पंचरंगी लढतींमुळे सर्वच पक्षांची कसोटी
2 काँग्रेस-राष्ट्रवादीसाठी अवघड स्थिती
3 नवी संस्कृती
Just Now!
X