राष्ट्रवादी काँग्रेसचे ज्येष्ठ नेते शंकरराव कोल्हे, त्यांचे चिरंजीव बिपीन कोल्हे यांचा पक्ष सोडण्याचा निर्णय निश्चित झाला असून, ते उद्या गुरुवारी तसे जाहीर करणार असल्याचे समजते. नगर जिल्ह्यात गेल्या महिनाभरापासून ही चर्चा होती. कोपरगाव विधानसभा मतदारसंघातून बिपीन कोल्हे अपक्ष निवडणूक लढविण्याच्या तयारीला लागले आहेत. ही निवडणूक तिरंगी झाल्यास फायदेशीर ठरेल असे वाटत असल्याने त्यासाठी मोर्चेबांधणी सुरू असून, उद्याच कोल्हे पिता-पुत्र राष्ट्रवादीला रामराम ठोकून अपक्ष उमेदवारीची घोषणा करतील, असे त्यांच्या निकटवर्तीयाकडून सांगण्यात आले.
