हूल उठवणे, अफवा- कुजबुज पसरविणे हे सारे राजकारणाचा अंगभूत भाग हे मान्यच. भाजपकाळात या राजकीय प्रक्रियेला प्रतिष्ठाही मिळालेली. पण या प्रक्रियेचं ‘बांधकाम’ हळूहळू पक्कं होत असतं. आता अशोकराव चव्हाण हे भाजापमध्ये जाणार ही वार्ता कानोकानी पसरत समाजमाध्यमांमध्ये घुसली. त्यावर मग प्रश्न विचारले जाऊ लागले. मग अशोकरावांनी, ‘कोण चर्चा करतंय?’ अशी विचारणा केली. ‘असा काही निर्णय मी घेतला नाही’, असं स्पष्टीकरणही त्यांनी दिलं. पण ते भाजपमध्ये जाणार नाहीत, यावर विश्वास ठेवायला कोणी तयार नाही. खासदार प्रताप पाटील चिखलीकरांनी मग संशय वाढवत नेला. अशोकरावांचे स्वागत असेल असंही स्पष्ट केलं. आता नवी चर्चा सुरू आहे, आता अशोकरावांचं भाजपमध्ये जाणं म्हणे, बांधकाम खात्यामुळे अडकलं आहे. त्यांनी काँग्रेस सोडली तर त्यांना मंत्रिमंडळात पुन्हा बांधकाम खातंच हवं आहे, अशी हूल आता उठली आहे. विधिमंडळात मतदानाच्या वेळी उशिरा पोहोलेल्या अशोकरावांविषयीची कुजबुज आणि त्यावरचे खुलासे असा नवा खेळ काँग्रेस दरबारी रंगला आहे. आता हूल, अफवा, कुजबुज की सतत्या हे मात्र कोडेच आहे.

या बातमीसह सर्व प्रीमियम कंटेंट वाचण्यासाठी साइन-इन करा

देवाक पन सोडला नाय!

More Stories onचावडीChavadi
मराठीतील सर्व विशेष बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Chavadi maharashtra political news rumours about ashok chavan zws
First published on: 09-08-2022 at 02:20 IST