अंधेरी पोटनिवडणुकीत भाजपच्या माघारीनंतर कोणी कोणाची जिरवली याचीच चर्चा सुरू झाली. रमेश लटके यांच्या पत्नीने शिंदे गटात सामील व्हावे, असे प्रयत्न झाले; पण त्यात यश आले नाही. नंतर त्यांची कोंडी करण्याचा प्रयत्न झाला. मुंबई महानगरपालिका सेवेचा त्यांचा राजीनामा वेळेत मंजूर होणार नाही, असे प्रयत्न झाले. शिवसेनेने न्यायालयाचे दरवाजे ठोठावले आणि न्यायालयाने ऋजुता लटके यांचा राजीनामा स्वीकारण्याचा आदेश दिला. तेथेच भाजप आणि शिंदे गटाचे अवसान गळाले. निवडणूक चुरशीची होणार हे गृहीत धरून मुंबई भाजपचे अध्यक्ष आशीष शेलार यांनी मुरजी पटेल यांची उमेदवार जाहीर करून त्यांच्या कार्यालयाचे उद्घाटन केले होते. भाजपच्या सर्वेक्षणात शिवसेना मोठय़ा फरकाने ही पोटनिवडणूक जिंकणार असेच स्पष्ट झाले होते. अंधेद्त पराभव झाल्यास त्याचा आगामी मुंबई महानगरपालिका निवडणुकीवर परिणाम होण्याची भीती होती. माघारीसाठी मग मनसेचे प्रमुख राज ठाकरे यांचा वापर करण्यात आला. पोटनिवडणूक बिनविरोध होणार याचा अंदाज येताच शरद पवार यांनी तातडीच्या पत्रकार परिषदेत हीच मागणी रेटली. माघार घेऊ नये म्हणून आशीष शेलार नेतेमंडळींकडे पाठपुरावा करीत होते; पण भाजपने माघार घेतली. देशभर सर्व निवडणुका जिंकत असताना अंधेरीत माघार घेतल्याने भाजपवर टीका होऊ लागली. दुसरीकडे, पक्षाच्या हितासाठी माघार घेण्यात आल्याचा दावा करण्यात येत असला तरी त्यातून आशीष शेलार यांचा ‘गेम’ पक्षातूनच झाल्याची चर्चा सुरू झाली.

या बातमीसह सर्व प्रीमियम कंटेंट वाचण्यासाठी साइन-इन करा

येतोच म्हणतायेत की..

More Stories onचावडीChavadi
मराठीतील सर्व विशेष बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Chavdi bjp withdrawal in andheri by election shinde group municipal corporation ysh
First published on: 26-10-2022 at 00:02 IST