विजेच्या खांबाला दुचाकीची धडक बसून मोटारसायकलस्वार जागीच ठार झाला. राजेंद्र विष्णू चव्हाण (वय ४० रा.आभारफाटा, ता.हातकणंगले) असे अपघातात ठार झालेल्या व्यक्तीचे नाव आहे. चव्हाण हे गुरुवारी पहाटे दोन वाजता तीन बत्ती चौकातून घराकडे निघाले होते. त्यांची दुचाकी विद्युत खांबाला धडकली. ही धडक इतकी जबरदस्त होती, की चव्हाण जागीच ठार झाले. याबाबत शिवाजीनगर पोलीस ठाण्यामध्ये नोंद झाली आहे.