30 September 2020

News Flash

नाशिक परिमंडळात वीज कंपनीचे १२० कोटी थकीत

नाशिक परिमंडळात विविध वर्गवारीतील ५.२८ लाख ग्राहकांकडे वीज देयकापोटी तब्बल १२०.७३ कोटी रुपये थकले आहेत.

| February 8, 2014 01:42 am

नाशिक परिमंडळात विविध वर्गवारीतील ५.२८ लाख ग्राहकांकडे वीज देयकापोटी तब्बल १२०.७३ कोटी रुपये थकले आहेत. वारंवार आवाहन करूनही ग्राहक थकबाकी भरत नसल्याने वीज पुरवठा नियमानुसार या थकबाकीदार ग्राहकांचा वीज पुरवठा बंद करण्याची मोहीम महावितरणने हाती घेतली आहे. ज्या ठिकाणी वित्तहानी कमी आणि वसुली प्रमाणात आहे, असे भाग भारनियमन मुक्तीचा आनंद घेऊ शकतात. परंतु, ज्या ठिकाणी ग्राहक नियमित वीज देयके भरत नाहीत आणि अनधिकृतरित्या विजेचा वापर करतात त्या ठिकाणी ग्राहकांना भारनियमनाला सामोरे जावे लागते. नाशिक शहर मंडळात एकूण १३.९४ कोटीची थकबाकी आहे. त्यात घरगुती ७,९३२७ ग्राहकांकडे सर्वाधिक म्हणजे ८ कोटी २० लाखाची थकबाकी आहे. त्यानंतर १३,९४२ व्यावसायिक वीज ग्राहकांकडे ४ कोटी ३० लाख, औद्योगिक एक कोटी २८ लाख अशी ही थकीत रक्कम आहे. नाशिक ग्रामीण परिमंडळातील थकबाकी ४२.६१ कोटी रुपयांहून अधिक आहे. त्यात दीड लाखाहून अधिक घरगुती ग्राहकांकडे २३.०२ कोटी, व्यावसायिक ५.६९ कोटी, औद्योगिक ४.१७ कोटी अशी थक्कत रक्कम आहे. या मंडळात पाणी पुरवठय़ाची दीड कोटीच्या आसपास थकबाकी आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 8, 2014 1:42 am

Web Title: 120 crore dues of power company in nashik region
Next Stories
1 भोंदू भिकन महाराजास तीन वर्षांचा कारावास
2 पी. के. अण्णा जनता बँकेच्या सहा शाखाधिकाऱ्यांना कोठडी
3 स्वस्त धान्य दुकानदार आंदोलनाच्या तयारीत
Just Now!
X