News Flash

नगरपालाचा पत्ता नाही;कार्यालयात मात्र २० पदांची निर्मिती

मानाचे समजले जाणारे मुंबईचे नगरपालपद (शेरीफ) गेली तीन वर्षांपेक्षा जास्त काळ रिक्त असले तरी या कार्यालयात २० पदांची निर्मिती करण्याचा निर्णय राज्य शासनाने घेतला आहे.

| July 2, 2013 08:12 am

मानाचे समजले जाणारे मुंबईचे नगरपालपद (शेरीफ) गेली तीन वर्षांपेक्षा जास्त काळ रिक्त असले तरी या कार्यालयात २० पदांची निर्मिती करण्याचा निर्णय राज्य शासनाने घेतला आहे.
नगरपालांच्या कार्यालयाला महत्त्व दिले जात नाही या मुद्दय़ावर उच्च न्यायालयात याचिका दाखल करण्यात आली होती. उच्च न्यायालयाने पदांची निर्मिती करावी, असा आदेश दिला होता. त्यानुसार नगरपाल कार्यालयात २० अस्थायी पदांची निर्मिती करण्यात आली आहे. यापैकी १६ लिपिक, प्रत्येकी एक रोखपाल आणि लेखापाल तर दोन शिपायांच्या पदांचा समावेश आहे. न्यायालयाच्या आदेशामुळे नगरपाल कार्यालयात पदे भरली जाणार आहेत. पण नगरपाल हे मानाचे पद गेले साडेतीन वर्षे रिक्तच आहे. इंदू सहानी यांची मुदत संपल्यावर गेली साडेतीन वर्षे या पदावर कोणाची नियुक्तीच झालेली नाही. तत्कालीन मुख्यमंत्री अशोक चव्हाण यांच्या काळात नगरपालांच्या नियुक्तीची प्रक्रिया सुरू झाली होती, पण त्यांचे मुख्यमंत्रीपद गेले. पृथ्वीराज चव्हाण यांच्या काळात हे पद भरण्याबाबत विचारच झालेला नाही, असे सांगण्यात आले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 2, 2013 8:12 am

Web Title: 20 extra seats creation in offcer but nagerhead doesnt know about it
टॅग : Loksatta,Mumbai News
Next Stories
1 ध्वनिफितीतून उलगडले ‘महाराष्ट्र कन्यां’चे कर्तृत्व!
2 क्षुल्लक वादातून महिलेस मारहाण
3 बालगंधर्व हे महाराष्ट्राचे दैवत – पं. पुरुषोत्तम वालावलकर
Just Now!
X