News Flash

नाशिक परिमंडलातील ४३ हजार ६३५ शेतकऱ्यांची वीज देयके माफ

राज्य शासनाने गारपीटग्रस्त शेतकऱ्यांसाठी जाहीर केलेल्या वीज देयक सवलतीचा लाभ नाशिक परिमंडलातील जवळपास ४३ हजार ६३५ शेतकऱ्यांना झाला आहे.

| May 23, 2014 07:05 am

राज्य शासनाने गारपीटग्रस्त शेतकऱ्यांसाठी जाहीर केलेल्या वीज देयक सवलतीचा लाभ नाशिक परिमंडलातील जवळपास ४३ हजार ६३५ शेतकऱ्यांना झाला आहे. त्यांची ७३६ लाख रुपयांची देयके माफ करण्यात आली आहेत. जे कृषीपंपधारक शेतकरी गारपीटग्रस्त नाहीत, त्यांनी त्यांची वीज देयके नियमितपणे भरावीत, असे आवाहन महावितरण कंपनीने केले आहे.
राज्य शासनाने गारपीटग्रस्त शेतकऱ्यांना जानेवारी ते जून २०१४ या कालावधीतील वीज देयकात सवलत जाहीर केली होती. त्यानुसार नाशिक परिमंडलातील जवळपास ४३ हजार ६३५ शेतकऱ्यांना वीज देयक माफीचा लाभ मिळालेला आहे. त्यांची उपरोक्त कालावधीतील ७३६ लाखाची वीज देयके राज्य शासनाने माफ केली आहेत. नाशिक परिमंडलांतर्गत नाशिक जिल्ह्यातील २९ हजार ६८८ शेतकऱ्यांची वीज देयके राज्य शासनाने माफ केली आहेत. तसेच अहमदनगर जिल्ह्यातील १३ हजार ९४७ शेतकऱ्यांना या माफीचा लाभ मिळाला आहे. या जिल्ह्यातील २२१.६२ लाखाची राज्य शासनाने माफ केली आहेत. जिल्हा प्रशासनाकडून आलेल्या गारपीटग्रस्तांच्या यादीत नाव असलेल्या शेतकऱ्यांना या सवलतीचा लाभ मिळाला आहे. तसेच उर्वरित कृषीपंपधारकांना त्यांची नियमित देयके वितरित करण्यात आलेली आहेत. कृषीपंपधारकांनी चालू व थकीत देयके भरून सहकार्य करावे, असे आवाहन करण्यात आले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 23, 2014 7:05 am

Web Title: 43 thousand 635 famrmers electricity bill subsidised
Next Stories
1 मनसेत ‘मन’ सांभाळण्याची कसरत!
2 विधानसभेसाठी सर्व पक्षांमध्ये ‘मध्य नाशिक’ कळीचा मुद्दा
3 नेत्रदान, देहदानाविषयी व्यापक जनजागृतीची गरज
Just Now!
X