News Flash

आर्णी तालुका क्रीडा संकुलासाठी ५३ लाखांचा निधी

आर्णी शहरातील तालुका क्रीडा संकुलाकरिता राज्य शासनाच्या क्रीडा विभागाने ५३ लाख २७ हजाराचा निधी मंजूर केला असल्याची माहिती नगर परिषदेचे उपाध्यक्ष आरीज बेग यांनी ‘लोकसत्ता’जवळ

| November 16, 2012 05:41 am

आर्णी शहरातील तालुका क्रीडा संकुलाकरिता राज्य शासनाच्या क्रीडा विभागाने ५३ लाख २७ हजाराचा निधी मंजूर केला असल्याची माहिती नगर परिषदेचे उपाध्यक्ष आरीज बेग यांनी ‘लोकसत्ता’जवळ बोलताना दिली. यासाठी सामाजिक न्यायमंत्री शिवाजीराव मोघे यांनी क्रीडा मंत्रालयसंबंधित अधिकाऱ्याकडे पाठपुरावा केला होता. क्रीडा संकुलाच्या ड्रेनेज व्यवस्था, कंपाऊंड वॉल, बॉस्केटबॉल कोर्ट व स्केटिंग ग्राऊंड, रनिंग ट्रॅक, कबड्डी ग्राऊंड, खो खो ग्राऊंड, सिंथेटिक फ्लोरिंगसाठी वरील निधीचा वापर करण्यात येणार आहे. महिन्याभरात काम सुरू व्हावे, यासाठी मोघे प्रयत्नशील असून त्यांनीच हा निधी खेचून आणल्याचेही बेग यांनी स्पष्ट केले. या निधीमुळे विकास झाल्यानंतर खेळात रुची असणाऱ्यांची संख्या वाढणार असून भविष्यात स्विमिंग पूलसुद्धा आर्णी शहरासाठी व्हावा, अशी मागणी आपण रेटणार असल्याचेही उपनगराध्यक्ष आरीज बेग यांनी सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 16, 2012 5:41 am

Web Title: 53 lakhs fund for sports complex in aarni distrect
टॅग : Marathi,Sports
Next Stories
1 यशासाठी नव्हे तर सार्थक जीवनाकरिता प्रयत्न करा -सोमैया
2 आज लक्ष्मीपूजन
3 रंगीबेरंगी झेंडूला सर्वाधिक मागणी
Just Now!
X