News Flash

कुठे तंबू तर कुठे झाडाची सावली!

सकाळी सात वाजल्यापासूनच प्रमुख उमेदवारांचे बूथ मतदान केंद्र परिसरात लागायला सुरूवात झाली होती. मतदारयाद्या व लॅपटॉप घेऊन कार्यकर्ते आपापल्या बूथवर हजर होते व येणा-या मतदारांना

| October 16, 2014 01:27 am

सकाळी सात वाजल्यापासूनच प्रमुख उमेदवारांचे बूथ मतदान केंद्र परिसरात लागायला सुरूवात झाली होती. मतदारयाद्या व लॅपटॉप घेऊन कार्यकर्ते आपापल्या बूथवर हजर होते व येणा-या मतदारांना यादीमधील त्यांची माहिती शोधून देत होते. उमेदवार जितका मोठा, तितकी चांगली व्यवस्था त्या त्या बूथवर बघायला मिळत होती.
खामला परिसरात सोमलवार शाळेजवळ काही कार्यकर्त्यांच्या नशिबात शामियाना होता तर अनेकांना झाडाखालीच आपले बस्तान मांडावे लागले. सिव्हील लाईन्स, मेडिकल चौक, हनुमान नगर इत्यादी भागात पुरुष कार्यकर्त्यांप्रमाणेच बूथवरील महिला कार्यकर्त्यांची संख्या लक्षणीय होती व त्यातही महाविद्यालयीन तरूणींचा भरणा अधिक होता.  सकाळच्या सत्रात मोठया संख्येने मतदार मतदानासाठी घराबाहेर पडले आणि वेगवेगळया बूथवर गर्दी दिसायला लागली. मात्र, अपेक्षेप्रमाणे आज मतदानाच्या दिवशी पाऊस बरसला आणि ठिकठिकाणी बूथवर बसणा-या कार्यकर्त्यांची तारांबळ उडाली. शहरात सर्वत्र पावसाचा परिणाम एकीकडे
मतदारसंख्या रोडावण्यावर झाला तर दुसरीकडे कार्यकर्त्यांना आपले बूथ सुरक्षित ठिकाणी हलविण्यासाठी बरीच धावपळ करावी लागली. पावसाचा जोर वाढला आणि कित्येक ठिकाणी बूथ तात्पुरते गुंडाळून ठेवण्याशिवाय कार्यकर्त्यांसमोर पर्याय उरला नाही.
पाऊस थांबल्यावर पुन्हा एकदा मतदारांची पावले मतदानकेंद्राकडे वळू लागली आणि ओस पडलेल्या बूथवर वर्दळ दिसायला लागली. छापील याद्यांची पाने धुंडाळत बसण्यापेक्षा, कार्यकर्त्यांंनी लॅपटॉपवरील सॉफटवेअर, इंटरनेट आणि मोबाईल अ‍ॅप्सचा आधार घेत मतदारांना त्यांची नावे शोधून देणे अधिक पसंत केले. अनेक मतदारांनी येताना मतदारयादीतील आपली माहितीही स्वत:बरोबर आणली होती. दक्षिण-पश्चिम व पश्चिम नागपुरात दोन मतदारसंघांच्या सीमारेषेवर असणा-या मतदारांचा मतदार केंद्रांबाबत गोंधळ उडाल्याने त्यांनी मतदान बूथवर एकच गर्दी केली होती.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 16, 2014 1:27 am

Web Title: a significant number of women workers present on voting booth as compared to male workers
Next Stories
1 नेहमीची रड; यादीत नाव नाही
2 लिंबूवर्गीय फळ उत्पादकांचा राष्ट्रीय मेळावा ३० व ३१ ऑक्टोबरला
3 विदर्भात १०३८ उमेदवारांचे भाग्य आज मतदान यंत्रात बंद
Just Now!
X