20 September 2020

News Flash

नगरसेविका धमकीप्रकरणी अधिकाऱ्याचा निलंबनाचा ठराव

कल्याण-डोंबिवली महापालिकेतील डोंबिवली परिसराचे फेरीवाला पथकाचे प्रमुख दिलीप भंडारी ऊर्फ बुवा यांना पालिकेच्या सेवेतून निलंबित करण्याचा ठराव ग प्रभाग समितीच्या बैठकीत मंजूर करण्यात आला.

| December 25, 2012 12:10 pm

कल्याण-डोंबिवली महापालिकेतील डोंबिवली परिसराचे फेरीवाला पथकाचे प्रमुख दिलीप भंडारी ऊर्फ बुवा यांना पालिकेच्या सेवेतून निलंबित करण्याचा ठराव ग प्रभाग समितीच्या बैठकीत मंजूर करण्यात आला. भंडारी यांनी नगरसेविकेला धमकी दिल्याची तक्रार करण्यात आली आहे. हा ठराव प्रभाग अधिकारी चंदूलाल पारचे यांच्यामार्फत आयुक्त रामनाथ सोनवणे यांच्याकडे पाठविण्यात येणार आहे. तसेच, भंडारी यांच्यावर कायदेशीर कारवाई झाल्याने आयुक्त सोनवणे याबाबत काय भूमिका घेतात हे पाहून पुढील दिशा निश्चित केली जाईल, असे ग प्रभाग समिती अध्यक्ष कोमल पाटील यांनी सांगितले. संगीतावाडीत फेरीवाला क्षेत्र असलेल्या भागात भंडारी हे फेरीवाल्यांना अनधिकृतपणे परवाना पावत्या देत असल्याची तक्रार होती. हे परवाने नगरसेविका निग्रे यांच्या आदेशावरून दिले जात असल्याचे चित्र फेरीवाल्यांमध्ये निर्माण केले जात आहे, अशी तक्रार संबंधित नगरसेविकेने केली होती. यातून निग्रे आणि भंडारी यांच्यात वाद झाला. दरम्यान, भंडारी यांनी आपणास ठार मारण्याची धमकी दिल्याची तक्रार नगरसेविकेने केली होती. याप्रकरणी त्यांनी रामनगर पोलीस ठाण्यात तक्रार दाखल केली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 25, 2012 12:10 pm

Web Title: action on officer of corporation for giving warning to corporator
टॅग Corporator
Next Stories
1 सिडकोच्या हरकतीला महापालिकेचा ठेंगा
2 ठाण्याच्या नव्या विकास आराखडय़ाला आता जागतिक शहरांचा आधार
3 बाळासाहेबांच्या स्मारकाची फाईल गायब
Just Now!
X