News Flash

अंबरनाथमधील प्रकल्पग्रस्त शेतकऱ्यांचा मोर्चा

अंबरनाथ तालुक्यातील विस्तारीत औद्योगिक विभाग तसेच कुशवली धरणामुळे बाधीत होणाऱ्या शेतकऱ्यांनी शुक्रवारी दुपारी तहसील कार्यालयावर मोर्चा काढून तब्बल चार तास ठिय्या आंदोलन केले.

| January 15, 2013 12:10 pm

अंबरनाथ तालुक्यातील विस्तारीत औद्योगिक विभाग तसेच कुशवली धरणामुळे बाधीत होणाऱ्या शेतकऱ्यांनी शुक्रवारी दुपारी तहसील कार्यालयावर मोर्चा काढून तब्बल चार तास ठिय्या आंदोलन केले. येत्या १५ दिवसात यासंदर्भात ठोस निर्णय न झाल्यास नेवाळी फाटा येथे रास्ता रोको करण्याचा इशाराही यावेळी देण्यात आला. अंबरनाथ तालुक्यातील सर्वपक्षीय शेतकरी संघर्ष समितीतर्फे काढण्यात आलेल्या या मोर्चाचे नेतृत्त्व अंजली दमानिया, रोशनी राऊत आणि प्रशांत सरखोत यांनी केले. तालुक्यातील मौजे काकोळे, शिरवली, गोरपे, ढोके, कुशिवली या पाच गावांमधील ग्रामस्थ या मोर्चात सहभागी झाले होते. मोर्चेकऱ्यांनी शिष्टमंडळाशी चर्चा करण्याचे तहसीलदारांचे आमंत्रण नाकारले. त्या ऐवजी सर्व ग्रामस्थांसमोरच चर्चा करण्याचा आग्रह धरला. तहसील कार्यालयाच्या आवारातच मोर्चेकरी ग्रामस्थांनी ठिय्या मांडला. एमआयडीसीने या भागातील जमीन संपादन थांबविले असल्याची माहिती विभागीय व्यवस्थापक नेरकर यांनी मोर्चेकऱ्यांनी दिली, तर पाटबंधारे विभागाचे अधिकारी संजय रोकडे यांनी येत्या शनिवापर्यंत तहसीलदारांना अहवाल देण्याचे आश्वासन दिले. दोन्ही खात्याच्या अधिकाऱ्यांची संयुक्त बैठक आयोजित करण्याचे आश्वासन तहसीलदारांना दिल्यानंतर ग्रामस्थांनी ठिय्या आंदोलन मागे घेतले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 15, 2013 12:10 pm

Web Title: ambernath project effected farmers morcha
टॅग : Dam,Farmers,Project
Next Stories
1 तरीही ‘टीएमटी’चा प्रवास देशात सर्वोत्तम..!
2 ठाण्यात दर मंगळवारी पाणी नाही
3 पालिकेच्या वादग्रस्त कर्मचाऱ्याला फेरीवाल्यांनी केली मारहाण
Just Now!
X