05 March 2021

News Flash

‘स्त्रियांमधील अस्मिता जागृतीची गरज’

स्त्री मुक्तीचा इतिहास जाणून घेऊन त्यांच्यातील अस्मिता जागृतीसाठी कार्य करण्याची गरज डॉ. बाबासाहेब आंबेडकरांच्या

| September 11, 2013 09:21 am

स्त्री मुक्तीचा इतिहास जाणून घेऊन त्यांच्यातील अस्मिता जागृतीसाठी कार्य करण्याची गरज डॉ. बाबासाहेब आंबेडकरांच्या विचारांचे गाढे अभ्यासक डॉ. एम. एल. कासारे यांनी व्यक्त केली. उत्तर महाराष्ट्र विद्यापीठात विद्यापीठ अनुदान आयोगांतर्गत सुरू करण्यात आलेल्या स्त्री अभ्यास केंद्राच्या ‘लिंग संवेदनशीलता’ या प्रमाणपत्र अभ्यासक्रमाचे डॉ. कासारे यांच्या हस्ते उद्घाटन झाले.
व्यवस्थापन परिषद सदस्य प्रा. व्ही. एल. माहेश्वरी अध्यक्षस्थानी तर स्त्री अभ्यास केंद्राच्या संचालिका डॉ. शोभा शिंदे प्रमुख म्हणून उपस्थित होत्या. स्त्रियांवर होणाऱ्या हिंसाचारामागील कारणे व समाजाचा स्त्रियांकडे बघण्याचा दृष्टिकोन बदलण्यासाठी स्त्री अभ्यास केंद्राने विशेष कार्यक्रम हाती घेण्याची अपेक्षा व्यक्त करून डॉ. बाबासाहेब आंबेडकर तसेच स्त्री मुक्ती चळवळीतील महापुरुषांच्या कार्यावर त्यांनी या वेळी प्रकाशझोत टाकला. लिंग भेदभाव हा जागतिक स्तरावरील प्रश्न असल्याचे प्रा. माहेश्वरी यांनी नमूद केले. असमानता हीच स्त्रियांच्या राजकीय आणि आर्थिक शोषणाचा भाग असल्याचे समर्पक उदाहरणे देऊन त्यांनी स्पष्ट केले.
केंद्राच्या संचालिका डॉ. शोभा शिंदे यांनी प्रास्ताविकात केंद्र सुरू होण्यामागील भूमिका, उद्दिष्टे, विविध उपक्रम व कार्यक्रमाचा आढावा घेतला. डॉ. प्रतिभा ताकसांडे यांनीही स्त्रीविषयक विचार मांडले. सूत्रसंचालन प्रा. विश्रांती मुंजेवार यांनी केले. प्रा. विकास जाधव यांनी आभार मानले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 11, 2013 9:21 am

Web Title: awareness of consciousness in women
Next Stories
1 शहर स्वच्छता अभियानांतर्गत विद्यार्थ्यांची जनजागृती फेरी
2 एखाद्याच चंद्राला कळते काळजातील ओल..
3 ‘बॉश’ विरोधात प्रणालीच्या हितचिंतकांचा मोर्चा
Just Now!
X