News Flash

विवाहितेच्या खूनप्रकरणी जन्मठेप झालेल्या तिघांना हायकोर्टात जामीन

पंढरपूर तालुक्यातील नेमतवाडी येथे मीनाक्षी अमराळे हिचा रॉकेलने जाळून खून केल्याप्रकरणी पंढरपूरच्या सत्र न्यायालयाकडून जन्मठेपेची शिक्षा सुनावण्यात आलेल्या पतीसह तिघा आरोपींचे मुंबई उच्च न्यायालयाने अपील

| June 11, 2013 01:42 am

पंढरपूर तालुक्यातील नेमतवाडी येथे मीनाक्षी अमराळे हिचा रॉकेलने जाळून खून केल्याप्रकरणी पंढरपूरच्या सत्र न्यायालयाकडून जन्मठेपेची शिक्षा सुनावण्यात आलेल्या पतीसह तिघा आरोपींचे मुंबई उच्च न्यायालयाने अपील मंजूर करून त्यांना जामिनावर मुक्त करण्याचे आदेश दिले.
मीनाक्षी अमराळे या नवविवाहितेचा जाळून खून केल्याबद्दल पती साधू अमराळे, सासरा रमेश अमराळे व सासू पार्वती अमराळे (रा. नेमतवाडी) या तिघांना पंढरपूरचे सत्र न्यायाधीश आर. बी. पाटील यांनी जन्मठेपेची शिक्षा सुनावली होती. या निकालाविरूध्द तिन्ही आरोपींनी अॅड. जयदीप माने यांच्यामार्फत मुंबई उच्च न्यायालयात अपील दाखल केले होते. त्यावर न्या. व्ही. के. तेहेलरामानी व न्या. पी. डी. कोदे यांच्या खंडपीठासमोर सुनावणी झाली. मृत मीनाक्षी हिचा विवाह तिच्या इच्छेविरूध्द झाला होता. त्यामुळे ती सतत माहेरीच राहत होती. घटनेच्या दिवशी, १० जानेवारी २०११ रोजी तिने स्वत:हून रॉकेल अंगावर ओतून पेटवून घेतले होते. त्यानंतर २६ तासांच्या विलंबाने तिच्या आईने दिलेल्या फिर्यादीवर विश्वास ठेवणे धोक्याचे असल्याचा युक्तिवाद अॅड. माने यांनी केला. सरकारतर्फे अॅड. शिल्पा गाजरे-धुमाळ यांनी काम पाहिले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 11, 2013 1:42 am

Web Title: bail in high court to accused in married murder case
टॅग : Bail,High Court
Next Stories
1 सोलापूर श्रमिक पत्रकार संघाच्या अध्यक्षपदी विक्रम खेलबुडे
2 नद्यांना मारक जलपर्णी निर्मूलनाचे यंत्र अभियांत्रिकी विद्यार्थ्यांकडून तयार
3 ‘महावितरण’च्या मृत्युमुखी पडलेल्या कंत्राटी कर्मचाऱ्यांच्या कुटुंबीयांसाठी शिवसेनेच्यावतीने निदर्शने
Just Now!
X