22 September 2020

News Flash

बेस्टचे कोटय़वधींचे सरकारी थकबाकीदार

तोटय़ात असल्यादा दावा करणाऱ्या बेस्टची कोटय़वधी रुपयांची बिले थकली असून ती थकवणाऱ्यांमध्ये खासगी ग्राहकांबरोबरच अनेक सरकारी कार्यालये

| January 24, 2014 06:16 am

तोटय़ात असल्यादा दावा करणाऱ्या बेस्टची कोटय़वधी रुपयांची बिले थकली असून ती थकवणाऱ्यांमध्ये खासगी ग्राहकांबरोबरच अनेक सरकारी कार्यालये, पोलिसांचे विविध विभागही आहेत. गमतीचा भाग म्हणजे खुद्द बेस्टनेच लक्षावधींचे आपलेच बिल थकवले आहे!
वीज बिलावरून सध्या देशातले वातावरण पेटले आहे. तोटय़ात असल्याचे कारण देत बेस्टने वीज दर कमी करण्यास नकार दिला आहे. एकीकडे हे चित्र असताना दुसरीकडे बेस्टची कोटय़वधी रुपयांची थकबाकी शिल्लक असल्याची माहिती समोर आली आहे. जितेंद्र घाडगे यांनी बेस्टची वीज बिले थकविणाऱ्या ‘टॉप ३००’ थकबाकीदारांची यादी मागविली होती. ती यादी पाहिल्यावर अनेक सरकारी कार्यालये, पोलीस, रुग्णालये आदींबरोबर बेस्टनेही लाखो रुपयांची बिले थकविल्याचे समोर आले आहे. या ३०० थकबाकीदारांमध्ये पोलिसांची सुमारे २ कोटी ३२ लाख रुपयांची थकबाकी आहे. त्यात मुंबई पोलीस आयुक्तांच्या अखत्यारीतील कार्यालये, पोलीस उपायुक्त, पोलीस निरीक्षक कार्यालयांचा समावेश आहे. अतिरिक्त पोलीस महासंचालकांच्या कार्यालयातील ६४ लाख १२ हजारांची वीज बिलाची थकबाकी आहे. खुद्द बेस्ट महाव्यवस्थापकांच्या नावाने निघणाऱ्या बिलांची ३८ लाख रुपयांची थकबाकी आहे.
याबाबत जितेंद्र घाडगे यांनी सांगितले की, वीज बिलाची थकबाकी नियमित वसूल केली तरी बेस्टचा तोटा कमी होईल. वीज ग्राहकांच्या बिलात बेस्ट बसचा अधिभार लावला जातो. या ३०० थकबाकीदारांनी ४५ कोटींची बिले थकवली आहेत. ती जरी वसूल केली तरी हा अधिभार १० टक्क्यांनी कमी होऊ शकेल. मोठय़ा प्रमाणात थकबाकीदार पाहता त्यांना पाठिशी घालण्याचा प्रयत्न असल्याचे दिसून येत आहे.
यासंदर्भात बेस्टचे प्रवक्ते ए.एस.तांबोळी यांनी सांगितले की, बेस्टच्या कार्यालयाचंी बिले ही व्यवस्थापकांच्या नावाने येतात. आम्हीच आमची बिले कशी भरणार. त्याची आम्ही बुक एण्ट्री करतो. पण त्याला विलंब होत असल्याने रक्कम मोठी दिसते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 24, 2014 6:16 am

Web Title: bests millions of bills pending from police hospitals government offices
टॅग Best,Mumbai News
Next Stories
1 मोनिका मोरेच्या मदतीसाठी नेहरूनगरमध्ये रविवारी पतंगोत्सव
2 वास्तवदर्शी लिखाणाला व्यासपीठ मिळवून देणारा ‘नॉन फिक्शन फेस्ट’
3 आजपासून श्रीसंकल्प प्रतिष्ठानचा वरळी सांस्कृतिक महोत्सव
Just Now!
X