News Flash

मंडईच्या जागेवर गुढी उभारून मनपाचा निषेध

दोन दिवसांचे उपोषण, पालकमंत्र्यांबरोबर दोन वेळा बैठका व मनपाच्या सर्वसाधारण सभेत चर्चा असे सगळे काही होऊनही अद्याप कागदावरच असलेल्या नेहरू मंडईमुळे वैतागलेल्या नेहरू मंडई कृती

| April 12, 2013 01:23 am

दोन दिवसांचे उपोषण, पालकमंत्र्यांबरोबर दोन वेळा बैठका व मनपाच्या सर्वसाधारण सभेत चर्चा असे सगळे काही होऊनही अद्याप कागदावरच असलेल्या नेहरू मंडईमुळे वैतागलेल्या नेहरू मंडई कृती समितीच्या कार्यकर्त्यांनी आज गुढीपाडव्याच्या मुहूर्तावर नेहरू मंडईच्या प्रतिकृतीचीच गुढी उभारून मनपाचा अभिनव निषेध केला.
कृती समितीचे अध्यक्ष व महाराष्ट्र नवनिर्माण सेनेचे वसंत लोढा, कार्याध्यक्ष संजय झिंजे तसेच काँग्रेसचे उबेद शेख यांच्यासह चितळे रस्ता हातगाडी, भाजी विक्रेते संघटनेचे अनेक सदस्य यावेळी उपस्थित होते. लोढा यांनी सांगितले की मनपाचे पदाधिकारी या मंडईबाबत सातत्याने नगरकरांची दिशाभूल करत आहेत. कृती समितीचे उपोषण आश्वासन देत मागे घ्यायला लावले व आता त्यावर कोणताही कार्यवाही व्हायला तयार नाही. निदान आजच्या शुभदिनी तरी त्यांना जाग यावी यासाठी ही प्रतिकृतीची गुढी ऊभारण्यात आली आहे.
 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 12, 2013 1:23 am

Web Title: celebrated gudi padwa on marketplace for protest to mnc
टॅग : Protest
Next Stories
1 सांस्कृतिक महोत्सवावर ‘दुष्काळा’चे पाणी टाकण्याचा नाटय़ परिषदेचा डाव
2 साखर विक्रीचे नियोजन न केल्यास कारखाने अडचणीत- शंकरराव कोल्हे
3 फळबागा व छावणीला वाढीव निधीचा प्रयत्न
Just Now!
X