News Flash

उरण तालुक्यातील विजेच्या समस्या तीन महिन्यांत सोडविणार

महावितरणच्या दुर्लक्षामुळे उरणमधील विजेच्या समस्या दिवसेंदिवस वाढू लागल्या असून त्याचा त्रास सर्वसामान्य नागरिकांना सहन करावा लागत आहे. या विरोधात काँग्रेसने महावितरण कंपनीच्या विरोधात आंदोलनाचा इशारा

| May 21, 2014 07:27 am

महावितरणच्या दुर्लक्षामुळे उरणमधील विजेच्या समस्या दिवसेंदिवस वाढू लागल्या असून त्याचा त्रास सर्वसामान्य नागरिकांना सहन करावा लागत आहे. या विरोधात काँग्रेसने महावितरण कंपनीच्या विरोधात आंदोलनाचा इशारा दिला होता. याची दखल घेत महावितरण कंपनीने येत्या तीन महिन्यांच्या कालावधीत उरणमधील नागरिकांना सतावणाऱ्या विजेच्या समस्या दूर करण्याचे लेखी आश्वासन मंगळवारी झालेल्या बैठकीत दिले आहे.
उरण तालुक्यातील सडलेल्या विद्युत तारा व विजेचे खांब बदलण्यात येणार असून तशी मागणी पनवेल कार्यालयाकडे करण्यात आलेली आल्याचे अधिकाऱ्यांनी सांगितले. तसेच पावसाळ्यात विजेच्या तारांवर पडणारी झाडे, फांद्या पडल्याने होणारे अपघात टाळण्यासाठी झाडे व फांद्या तोडण्याचे काम येत्या ३१ मेपर्यंत पूर्ण करण्यात येणार असल्याचे अधिकाऱ्यांनी सांगितले.
कंत्राटदारांमुळे रखडलेली कामे येत्या तीन महिन्यांत करण्याचे व गावागावांतील धोकादायक ट्रान्सफार्मरही बदलण्यात येणार आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 21, 2014 7:27 am

Web Title: cidco will solve electricity problem of uran within 3 months
Next Stories
1 म्हातारी मेल्याचे दु:ख नाही, काळ सोकावला..
2 नागरिकांच्या संवेदना हरविलेल्या..
3 करंजा-उरण रस्त्याची दुरुस्ती होणार ?
Just Now!
X