04 July 2020

News Flash

पाणलोट सिंचन विस्तारावर २१-२२ ला नांदेडात परिषद

महाराष्ट्र सिंचन परिषद व सिंचन सहयोग, नांदेडच्या वतीने २१ व २२ जानेवारीला १५ वी महाराष्ट्र सिंचन परिषद आयोजित केली आहे. परिषदेची संकल्पना प्रसिद्ध जलतज्ज्ञ माधवराव

| January 14, 2014 01:05 am

महाराष्ट्र सिंचन परिषद व सिंचन सहयोग, नांदेडच्या वतीने २१ व २२ जानेवारीला १५ वी महाराष्ट्र सिंचन परिषद आयोजित केली आहे. परिषदेची संकल्पना प्रसिद्ध जलतज्ज्ञ माधवराव चितळे यांची असून, पाणलोट क्षेत्रातील सिंचन विस्तार हा परिषदेचा विषय आहे.
कुसुम सभागृह व यशवंत महाविद्यालय परिसरात होणाऱ्या या परिषदेत वरील विषयासह समांतर सत्रांचेही आयोजन केले आहे. सिंचन, कृषी, पाणी, पर्यावरण आदी विषयांवर यात सखोल चर्चा होणार आहे. डॉ. माधवराव चितळे, दि. मा. मोरे, आर. बी. घोटे, श्रीराम वरुडकर, प्रदीप पुरंदरे, या. रा. जाधव यांच्यासह पाणी व्यवस्थापनातील अधिकारी व अभ्यासक उपस्थित राहणार आहेत. परिषदेचे स्वागताध्यक्ष माजी मुख्यमंत्री अशोक चव्हाण आहेत. महिला, शेतकरी व विद्यार्थ्यांना परिषदेत सहभागी करून घेण्यात येणार आहे. बाहेरून येणाऱ्या प्रतिनिधींसाठी नाममात्र शुल्क आकारून भोजन-निवास व्यवस्था करण्यात आल्याची माहिती अभियंता द. मा. रेड्डी यांनी दिली. परिषदेच्या निमित्ताने कृषी व जलप्रदर्शन भरविण्यात येणार आहे. डॉ. शंकरराव चव्हाण यांच्या स्मरणार्थ या वेळी उत्कृष्ट शेतकऱ्यास २१ हजार रुपयांचा पुरस्कार देण्यात येणार असल्याचेही सांगण्यात आले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 14, 2014 1:05 am

Web Title: conference on irrigation extension ashok chavan nanded
टॅग Ashok Chavan,Nanded
Next Stories
1 कळीच्या पाणीप्रश्नी मुख्यमंत्री मौन सोडणार का?
2 राज्याचे ऊर्जाधोरण म्हणजे ‘तीन वजा दोन बरोबर तीन’ : कुबेर
3 कमी मुलींच्या शिरूर तालुक्यात घोडनवऱ्यांची मांदियाळी !
Just Now!
X