15 August 2020

News Flash

नगरसेवक सिरील डिसोजा यांना लाच स्वीकारताना अटक

मुंबई महापालिकेचे प्रभाग क्रमांक ४४ चे राष्ट्रवादी पक्षाचे नगरसेवक सिरील डिसोजा यांच्यासह एकाला ५० हजार रुपयांची लाच स्वीकारताना रंगेहाथ अटक करण्यात आली.

| September 2, 2015 12:40 pm

मुंबई महापालिकेचे प्रभाग क्रमांक ४४ चे राष्ट्रवादी पक्षाचे नगरसेवक सिरील डिसोजा यांच्यासह एकाला ५० हजार रुपयांची लाच स्वीकारताना रंगेहाथ अटक करण्यात आली. एका जागेच्या कुंपण घालण्याच्या कामाला परवानगी मिळवून देण्यासाठी त्यांनी १ लाख रुपयांची लाच मागितली होती.  फिर्यादीची मालाडच्या मालवणी भागातील राठोडी गावात मोकळी जागा आहे. या जागेला त्यांना कुंपण घालायचे होते. या कामास हरकत न घेणे तसेच कामाला पालिकेतून परवागनी मिळवून देण्यासाठी नगरसेवक सिरील डिसोजा यांनी १ लाख रुपायांची लाच मागितली होती. फिर्यादीनी याबाबत लाचलुचपत प्रतिबंधात्मक विभागाकडे तक्रार केली होती. त्यानुसार सोमवारी मालवणीच्या राष्ट्रवादी पक्षाच्या कार्यालयात सापळा लावण्यात आला होता. यावेळी सिरील यांनी पुन्हा फिर्यादीकडे पी/उत्तर प्रभागाच्या इमारत व कारखाने विभागासाठी पुन्हा ५ लाख रुपयांची मागणी केली होती. यानंतर लाचेच्या रकमेचा ५० हजार रुपयांचा पहिला हप्ता स्वीकारताना सिरील डिसोजा आणि त्यांचा साथीदार सिद्दिक युसूफ अन्सारी यांना रंगेहाथ अटक करण्यात आली. यापूर्वीही सिरील डिसोजा यांच्यावर लाच मागितल्याप्रकरणी गुन्हा दाखल आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 2, 2015 12:40 pm

Web Title: councilors syria dsouza arrested accepting bribes
Next Stories
1 ‘दादा-काका-मामा’ नंबर प्लेटवर कारवाई
2 त्यापेक्षा एक दिवस पाणी बंद ठेवा’ मुंबईकरांची वाढती मागणी
3 पाणीकपातीची मलमपट्टी वरवरची!
Just Now!
X