विजेचे शॉर्टसर्कीट होऊन त्यातून एका झोपडीला लागलेल्या आगीत पती-पत्नी दोघांचा जळून जागीच मृत्यू झाला. तोंडले (ता. माळशिरस) येथे बुधवारी (दि. २८) रात्री १० वाजता ही दुर्घटना घडली.तोंडले ते तांदुळवाडी रस्त्यावर पताळेवस्ती असून एकांत वस्तीमुळे ही दुर्घटना उशिरा समजली. याठिकाणी छप्पराच्या घरात झोपलेल्या बाबासाहेब लक्ष्मण पताळे (वय ४५) व त्यांची पत्नी मिनाक्षी बाबासाहेब पताळे (वय ३५) यांना काय होतेय हे कळायच्या आतच आगीने भक्ष्य केले.वेळापूर पोलीस ठाण्यात याची अकस्मात मयत अशी नोंद असून सहा. पोलीस निरीक्षक शिवशंकर बोंदर पुढील तपास करीत आहेत.
