News Flash

त्या दुकानांची नावे ‘लिकर शॉप’ठेवण्याची मागणी

विदेशी मद्याची विक्री करणाऱ्या दुकानांचे नाव ‘लिकर शॉप’ असे ठेवण्याची मागणी नाशिक जिल्हा उद्योग व निर्यातदार संघटनेचे अध्यक्ष रमेश पवार

| January 11, 2014 02:47 am

विदेशी मद्याची विक्री करणाऱ्या दुकानांचे नाव ‘लिकर शॉप’ असे ठेवण्याची मागणी नाशिक जिल्हा उद्योग व निर्यातदार संघटनेचे अध्यक्ष रमेश पवार यांनी राज्याचे मुख्य सचिव (वाहतूक व अबकार) शैलेशकुमार शर्मा यांच्याकडे केली आहे. शर्मा येथे आले असता त्यांनी जिल्ह्य़ातील वाइन उत्पादकांशी चर्चा केली. त्या वेळी पवार यांनी ही मागणी केली.
ज्या दुकानांमध्ये मुख्यत्वे वाइनची विक्री केली जाते. त्यांना ‘वाइन शॉप’ असे नाव द्यावे. तसेच ज्या दुकानांमध्ये मद्य व वाइन यांची विक्री होते त्या दुकानांना ‘लिकर व वाइन शॉप’ असे नाव देण्याची सूचना पवार यांनी याप्रसंगी केली. अमेरिकेत या पद्धतीनुसारच दुकानांची नावे असल्याची माहितीही त्यांनी दिली. याप्रसंगी अखिल भारतीय वाइन उत्पादक संघटनेच्या वतीनेवाइनविषयक प्रलंबित प्रश्नांकडे लक्ष देण्याची मागणी शर्मा यांच्याकडे निवेदनाद्वारे करण्यात आली. याविषयी वाइन उत्पादकांची बैठक लवकरच आयोजित करण्याचे आश्वासन शर्मा यांनी दिले.
बैठकीस पवार यांच्यासह शिवाजी आहेर, राजेश जाधव, सदाशिव नाथे आदी उपस्थित होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 11, 2014 2:47 am

Web Title: demand for name that shops as liker shop
Next Stories
1 विज्ञान प्रदर्शनात २० प्रकल्प सादर
2 चाळीसगावमध्ये लवकरच मका प्रक्रिया उद्योग
3 चर्चेतील प्रतिसादाचे ‘राज’
Just Now!
X