13 August 2020

News Flash

उप अभियंता बोरोले यांना बडतर्फ करण्याची मागणी

महापालिका पाणी पुरवठा विभागातील उप अभियंता शशिकांत बोरोले यांना १९ कोटी रुपयांच्या अपहार प्रकरणी दोषी ठरविण्यात आल्याने त्यांना त्वरित बडतर्फ करण्याची मागणी शहिद भगतसिंग कर्मचारी

| February 6, 2013 12:12 pm

महापालिका पाणी पुरवठा विभागातील उप अभियंता शशिकांत बोरोले यांना १९ कोटी रुपयांच्या अपहार प्रकरणी दोषी ठरविण्यात आल्याने त्यांना त्वरित बडतर्फ करण्याची मागणी शहिद भगतसिंग कर्मचारी संघटनेने केली आहे. कामगार संघटनेचे अनिल नाटेकर व विजय पवार यांनी जिल्हाधिकारी तथा महापालिकेचे प्रभारी आयुक्त ज्ञानेश्वर राजुरकर यांना या संदर्भात मागणीचे निवेदनही दिले आहे.
वाघूर पाणी पुरवठा योजना या १६९ कोटी रुपयांच्या प्रकल्पात अनियमितता व भ्रष्टाचार प्रकरणी महापालिकेत विभागीय चौकशी प्रस्तावित करण्यात आली होती. त्यासाठी एस. एम. वैद्य यांची चौकशी अधिकारी म्हणून नियुक्ती करण्यात आली होती. चौकशी अधिकाऱ्यांनी वाघूर प्रकल्प प्रकरणाची चौकशी पूर्ण करून संबंधित प्रकल्प अभियंता शशिकांत बोरोले यांना १९ कोटी रुपयांच्या असमायोजित रकमेच्या अपहार प्रकरणी दोषी ठरविले आहे. हा अहवाल तत्कालीन प्रभारी आयुक्त सोमनाथ गुंजाळ यांच्याकडे आल्यानंतर त्यांनी तो अस्थापना अधीक्षक ओमप्रकाश पटाईत यांच्याकडे तातडीने पाठविला. त्यात बोरोले यांच्यावर आवश्यक कारवाई करून वसूलपात्र रक्कम तातडीने वसूल करण्याबाबत कळविण्यात आले होते. मात्र चार महिने झाल्यानंतरही संबंधित अस्थापना अधीक्षकांनी या आदेशाकडे दुर्लक्ष करत बोरोले यांना पाठीशी घालण्याचा प्रयत्न केला आहे, असा आरोप संघटनेने निवेदनात केला आहे. अहवालावर कारवाई करण्यास कुचराई केली म्हणून पटाईत यांच्यावर निलंबनाची तर उपअभियंता बोरोले यांच्याविरूध्द बडतर्फीची कारवाई करावी अशी मागणीही करण्यात आली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 6, 2013 12:12 pm

Web Title: demand for suspend of deputy engineer borole
Next Stories
1 नितीन भोसलेंच्या आमदार निधीतून नऊ बस थांबे
2 नाशिकमध्ये आता ‘जिम्नॅस्टिक स्पोर्टस् स्कूल’
3 डाकीण ठरविलेल्यांना ‘अंनिस’ मुळे आधार
Just Now!
X