News Flash

स्थायी समिती सभापतिपदी काँग्रेसच्या धबालेंची निवड

नांदेड-वाघाळा महापालिकेच्या स्थायी समिती सभापतिपदी अपेक्षेप्रमाणे काँग्रेसचे गणपत धबाले विजयी झाले. त्यांनी शिवसेनेच्या डिंपलसिंग नवाब यांचा पराभव केला.

| January 22, 2013 12:55 pm

नांदेड-वाघाळा महापालिकेच्या स्थायी समिती सभापतिपदी अपेक्षेप्रमाणे काँग्रेसचे गणपत धबाले विजयी झाले. त्यांनी शिवसेनेच्या डिंपलसिंग नवाब यांचा पराभव केला.
महापालिका निवडणुकीत काँग्रेसला स्पष्ट बहुमत मिळाले. महापालिका तिजोरीच्या किल्ल्या कोणाच्या हाती जातील, या बाबत कमालीची उत्सुकता होती. सरजितसिंघ गिल व सतीश राखेवार यांच्या नावाची चर्चा सुरू असतानाच माजी मुख्यमंत्री अशोक चव्हाण यांनी धबालेंना संधी दिल्याने सर्वाना धक्का बसला. महापालिको निवडणुकीत ‘एमआयएम’ व संविधान पार्टीने १३ जागा पटकावल्यानंतर चव्हाण यांनी महापौर-उपमहापौर व सोमवारी झालेल्या स्थायी समिती सभापतिपदासाठी वेगवेगळ्या प्रवर्गातल्यांना संधी देऊन सोशल इंजिनिअरींगचा नवीन प्रयोग समोर आणला. स्थायीच्या सभापतिपदासाठी काँग्रेसने धबाले, तर शिवसेनेने नवाब यांना उमेदवारी दिली.
जिल्हाधिकाऱ्यांच्या उपस्थितीत सोमवारी आयोजित विशेष सभेत दोन्ही अर्जाची छाननी झाली. दोघांचे अर्ज वैध ठरल्यानंतर  निवडणूक प्रक्रिया पूर्ण करण्यात आली. सोळा सदस्यांच्या समितीत काँग्रेसच्या ८ व राष्ट्रवादीच्या दोघांनी गबाले यांना हात उंचावून मतदान केल्याने त्यांना दहा मते मिळाली. नवाब यांना सेनेची ३ मते मिळाली. एमआयएमचे तिन्ही सदस्य या निवडणुकीत तटस्थ राहिले. सभापतिपदी निवडीनंतर धबाले यांचे जिल्हाधिकारी धीरजकुमार, महापालिका अतिरिक्त आयुक्त राम गगराणी यांनी स्वागत केले. कलामंदिर परिसरातून धबाले यांची मिरवणूक काढण्यात आली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 22, 2013 12:55 pm

Web Title: dhabale of congress elected as president of standing committee
टॅग : Standing Committee
Next Stories
1 खासगी शाळांनी २५ जानेवारीपर्यंत स्वप्रतिज्ञापत्र देण्याच्या सूचना
2 थकीत वेतनप्रश्नी प्रजासत्तादिनी मंत्रालयासमोर निदर्शने करणार
3 दुष्काळाची ‘उलटी पट्टी’!
Just Now!
X