06 July 2020

News Flash

मयत मुलीच्या नातेवाईकास वन विभागाकडून पाच लाख

तरस प्राण्याने केलेल्या हल्ल्यात मृत्युमुखी पडलेल्या मनीषा पवार (वय ७) या मुलीच्या नातेवाईकांना वन विभागाने ५ लाख रुपयांचे अनुदान मंजूर केले.

| January 31, 2014 01:17 am

तरस प्राण्याने केलेल्या हल्ल्यात मृत्युमुखी पडलेल्या मनीषा पवार (वय ७) या मुलीच्या नातेवाईकांना वन विभागाने ५ लाख रुपयांचे अनुदान मंजूर केले.
वाघ, बिबटय़ा, अस्वल, गवा, रानडुक्कर, लांडगा, तरस, कोल्हा किंवा रानकुत्रे यांच्या हल्ल्यात जखमी, मृत्युमुखी पडलेल्या किंवा कायमचे अपंगत्व आलेल्यांना वन विभागाकडून आर्थिक मदत दिली जाते. लोहा तालुक्यातील वडगाव येथील मनीषा पवार ही इयत्ता दुसरीत शिकणारी विद्यार्थिनी शाळेतून घरी परतत असताना तिच्यावर तरस या प्राण्याने प्राणघातक हल्ला केला. यात तिचा जागीच मृत्यू झाला. ३० डिसेंबरला हा प्रकार घडला. दुसऱ्या दिवशी सकाळी हा प्रकार लक्षात आल्यावर सोनखेड पोलिसांनी आकस्मिक मृत्यूची नोंद केली. वन परिक्षेत्र अधिकारी दीपक शंकरवार यांनी पंचनामा, कायदेशीर सोपस्कार पूर्ण केल्यावर मयताच्या नातवाईकास ५ लाख रुपये मंजूर करण्याचे आदेश जारी केले. एक लाख रकमेचा धनादेश दिल्यानंतर उर्वरित ४ लाख रुपये मृताच्या वारसाच्या नावाने राष्ट्रीयीकृत बँकेत ठेव म्हणून जमा करण्यात येणार आहेत. उपवनसंरक्षक जी. पी. गरड येत्या एक-दोन दिवसांत नांदेडला परतताच मनीषाचे वडील माणिका रामजी पवार यांच्याकडे ही मदत सुपूर्द केली जाणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 31, 2014 1:17 am

Web Title: economic help for deceased girl by jungle department
टॅग Nanded
Next Stories
1 जॅकलिन डोळस यांचे चळवळीतील मूककार्य कौतुकास्पद – प्रा. सिरसाठ
2 ‘अपहाराची रक्कम पंधरवडय़ात न भरल्यास फौजदारी कारवाई’
3 अजित पवार, आर. आर. पाटलांवर टीका
Just Now!
X