08 March 2021

News Flash

ऊर्जेचा ‘अक्षय’ वापर विषयावर चित्रकला स्पर्धा

भारत सरकारचा उपक्रम असलेल्या न्युक्लिअर पॉवर कॉर्पोरेशन ऑफ इंडियातर्फे नुकतेच मुंबईत सेंट तेरेसा हायस्कूल येथे ‘ऊर्जेचा अक्षय वापर आणि अक्षय स्रोत’ या विषयावर एका चित्रकला

| July 31, 2015 02:05 am

भारत सरकारचा उपक्रम असलेल्या न्युक्लिअर पॉवर कॉर्पोरेशन ऑफ इंडियातर्फे नुकतेच मुंबईत सेंट तेरेसा हायस्कूल येथे ‘ऊर्जेचा अक्षय वापर आणि अक्षय स्रोत’ या विषयावर एका चित्रकला स्पर्धेचे आयोजन करण्यात आले होते. ऊर्जेचे महत्त्व आणि आण्विक ऊर्जेबाबतचे गैरसमज दूर करणे हा या स्पर्धेचा उद्देश होता.
स्पर्धेत लविना पावूरवितील आणि साक्षी बी. रावरिया यांना अनुक्रमे पहिला आणि दुसरा क्रमांक मिळाला. स्पर्धेत १४४ विद्यार्थी सहभागी झाले होते. या वेळी उपस्थित विद्यार्थी, शिक्षक आणि शाळेचे मुख्याध्यापक यांना आण्विक ऊर्जेबाबत जागरूकता निर्माण करणाऱ्या माहिती साहित्याचे वाटप करण्यात आले. शाळेच्या मुख्याध्यापिका सिस्टर मारिया यांनी सांगितले, या चित्रकला स्पर्धेच्या निमित्ताने विद्यार्थ्यांनी आपल्या भावना कागदावर उतरविल्या आहेत. विद्यार्थ्यांनी चित्रांमधून ऊर्जेचे महत्त्व सांगितले आहे. आण्विक उर्जेपासून करण्यात येणारी वीजनिर्मिती ही पर्यावरणास हानीकारक नाही, हेही त्यांच्या चित्रांमधून त्यांनी दाखविले आहे.
ऊर्जेच्या वापराबाबत समाजात जनजागृती निर्माण करणे आणि आण्विक ऊर्जेबाबतचे गैरसमज दूर करण्यासाठी अशा प्रकारच्या कार्यक्रमांचे देशभरात आयोजन करण्यात येणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 31, 2015 2:05 am

Web Title: energy renewable painting competition on the topic
टॅग : Painting
Next Stories
1 आधीच्या तारखेचे भोगवटा प्रमाणपत्र देणाऱ्या कर्मचाऱ्यांना क्षुल्लक दंड
2 ताडदेवमधील अडीच एकर भूखंडाच्या बदल्यात पोलिसांना केवळ  ६७ घरे !
3 बनारसी कारागीरांची कला आता ‘फॅशने’बल..
Just Now!
X