औंढा नागनाथ मंदिर परिसरात शुक्रवारी रात्री ९.३० वाजता लागलेल्या आगीत दोन दुकाने जळाली. यामध्ये २ लाखांचे नुकसान झाले. मंदिर परिसरात सध्या यात्रा सुरू आहे. सूचना मिळाल्यानंतर तहसीलदार स्वरूप कंकाळे व पोलीस निरीक्षक विजय जोंधळे यांनी घटनास्थळी भेट दिली.औंढा नागनाथ मंदिर परिसरात प्रभाकर काकोडकर यांच्या मिठाईच्या दुकानाला आग लागली. याच दुकानाला लागून दयानंद घुले यांचे खेळण्याचे दुकान आहे. त्या दुकानाला आगीने घेरले. यामध्ये साहित्य जळाल्याने दोन लाखांचे नुकसान झाले. घटनेची माहिती मिळताच परिसरातील नागरिकांनी आग विझविण्याचे प्रयत्न केले. आगीचे कारण समजू शकले नाही. शॉर्टसर्किटमुळे आग लागली असावी, असा अंदाज आहे.
