News Flash

गोदामे फोडणाऱ्या टोळीचा पर्दाफाश

मराठवाडय़ाच्या विविध भागात खासगी व शासकीय गोदामे फोडून मालमोटारीतून मालवाहतूक करून आंध्र प्रदेशात हा माल विक्री करणारी टोळी परभणी पोलिसांनी उघडकीस आणली. या टोळीकडून गहू,

| April 21, 2013 01:41 am

मराठवाडय़ाच्या विविध भागात खासगी व शासकीय गोदामे फोडून मालमोटारीतून मालवाहतूक करून आंध्र प्रदेशात हा माल विक्री करणारी टोळी परभणी पोलिसांनी उघडकीस आणली. या टोळीकडून गहू, साखर व कापसाच्या गाठी असा १३ लाखांचा माल जप्त करून आंध्रातील तीन खरेदीदार व्यापारी व मालमोटार मालकास अटक करण्यात आली. सर्व आरोपींना २६ एप्रिलपर्यंत पोलीस कोठडी देण्यात आली.
गेल्या महिनाभरात परभणी जिल्ह्य़ात गोदामामधील माल चोरीच्या घटना घडल्या. काही दिवसांपूर्वीच पडगाव शिवारातील गोदामातून ४५ कापसाच्या गाठी व ९० क्विंटल गहू चोरीस गेला. काही दिवसांपूर्वी बोरीत सरकारी गोदामातून गव्हाची चोरी करताना सहायक निरीक्षक आर. बी. सानप व सहकाऱ्यांनी गव्हासह मालमोटार पकडली. या वेळी ८ हमालांना ताब्यात घेण्यात आले. परंतु मालमोटारीचा चालक व मालक शेख रऊफ शेख कादर (नांदेड) याच्यासह तीन जण पसार झाले.
अटकेतील हमालांकडून मिळालेल्या माहितीच्या आधारे आंध्रातील म्हैसा येथे पथक रवाना झाले. म्हैसा येथील खरेदीदार म. लतीफोद्दीन म. फयाजोद्दीन, स. जब्बार, सय युसूफ, स. युसूफ स. शब्बीर या तिघांना अटक करून चोरीस गेलेला गोदामातील माल जप्त केला. यात ४५ कापसाच्या गाठी, ९० क्विंटल गहू मुखेड येथून चोरी केलेली ९० क्विंटल साखर जप्त केली. दरम्यान, मालमोटारमालक व चालक शेख रऊफ यास नांदेडहून ताब्यात घेण्यात आले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 21, 2013 1:41 am

Web Title: godown looter gang arrested
Next Stories
1 ३ लाख ९० हजारांचा गुटखा परभणीत जप्त
2 औरंगाबादची श्रद्धा जोशी आयडिया रॉक्सची विजेती
3 ‘असा घडला भारत’ ग्रंथावर आज परिसंवाद
Just Now!
X