शिक्षणक्षेत्रात अध्यापनासह विशेष कार्य करणाऱ्या शिक्षकांना कल्याण-डोंबिवली महानगरपालिकेच्या वतीने देण्यात येणारा आदर्श शिक्षक महापौर पुरस्कार नुकताच जाहीर झाला आहे. हा पुरस्कार वितरण सोहळा ५ सप्टेंबर रोजी शिक्षकदिनी आचार्य अत्रे मंदिर नाटय़गृह, कल्याण येथे होणार आहे. पुरस्कारप्राप्त शिक्षक व शाळा- १) अस्मिता आठवले (मुख्याध्यापिका, लालबहादूर शास्त्री शाळा क्र. १, आयरे डोंबिवली-पूर्व), लता फुलसुंदे (सहशिक्षिका-गोदाताई परुळेकर प्राथ. शाळा क्र. ६, खडेगोळवली), प्रवीण धोडी (सहशिक्षिका-लोकमान्य टिळक प्राथ. शाळा क्र. २०), विनय धात्रक (मुख्याध्यापक-चंद्रकांत पाटकर विद्यालय, डोंबिवली), विवेकानंद बागवे (सहशिक्षक-बालविकास जवाहर विद्यामंदिर, कल्याण-प.), अस्मिता माळी (सहशिक्षिका- श्रीगजानन विद्यालय, कल्याण-प) तसेच कावेरी दीपक भंडारी (वासुदेव बळवंत फडके मनपा शाळा क्र. ४१, गोळवली) व प्राजक्ता माने (संत ज्ञानेश्वर मनपा शाळा क्र. ६०, मांडा) यांना आदर्श विद्यार्थी पुरस्कार जाहीर झाला आहे.आचार्य भिसे मनपा. शाळा क्र. ६२ पाथर्ली, डोंबिवली (पू) व छत्रपती शिक्षण मंडळाचे प्राथमिक विद्यालय, तिसगांव, कल्याण यांना आदर्श शाळा पुरस्कार तसेच बंदेअली खॉँ मनपा प्राथमिक शाळा क्र. ९९/१२ बनेला कल्याण पूर्व या शाळेला आदर्श पटनोंदणी शाळा पुरस्कार जाहीर झाला आहे.