News Flash

वाहिन्यांचे कल्पनादारिद्रय़

विविध वाहिन्यांवर दैनंदिन मालिका सुरू झाल्यानंतर टीआरपीवर सगळे लक्ष केंद्रित झाले. टीआरपी सतत वाढता ठेवायचा तर कथानकातील पात्रांबाबत अचंबित करणाऱ्या घटना घडवून प्रेक्षकांचे लक्ष दररोज

| February 3, 2013 12:22 pm

विविध वाहिन्यांवर दैनंदिन मालिका सुरू झाल्यानंतर टीआरपीवर सगळे लक्ष केंद्रित झाले. टीआरपी सतत वाढता ठेवायचा तर कथानकातील पात्रांबाबत अचंबित करणाऱ्या घटना घडवून प्रेक्षकांचे लक्ष दररोज आपल्याच मालिकेकडे कसे लागेल, यासाठी खटाटोप केला जातो. जनरल एण्टरटेन्मेंट कॅटेगिरी अर्थात जीईसी अशी संज्ञा वापरली जाते. या गटातील हिंदी आणि विविध भाषांतील वाहिन्यांवरील मालिकांमध्ये कथानकांची नक्कल केलेली आढळते. एकमेकांच्या कल्पना, विषय चोरणे हे दोन वाहिन्यांमध्ये होत असते. परंतु ‘स्टार प्रवाह’ वाहिनीने आपल्याच मालिकेतल्या घटना दुसऱ्या मालिकेत घेण्याची सुरुवात केली आहे.
पहिली मालिका आहे ‘पुढचं पाऊल’ आणि नक्कल करणारी मालिका आहे ‘देवयानी’. ‘पुढचं पाऊल’ गेली दीड-दोन वर्षे सुरू आहे. त्यातील आक्कासाहेब ही व्यक्तिरेखा खूप गाजलीय. ‘देवयानी’ सुरू झाली तेव्हा त्यात आक्कासाहेबांचे पुरुषी रूप होते सर्जेराव विखेपाटील. पण हा एक योगायोग मानला जात होता.
पण गेल्या काही दिवसांत तर ‘पुढचं पाऊल’मधील घटना जशाच्या तशा देवयानीत येत आहेत. ‘पुढचं पाऊल’मधील भोंदूबाबा, गरोदर महिलेच्या झोपाळ्याची साखळी तुटणे, आक्कासाहेबांचा डबल रोल आणि आक्कासाहेबांचा आंधळेपणा या अत्यंत महत्त्वाच्या आणि त्या त्या काळात गाजलेल्या घटना ‘देवयानी’त जशाच्या तशा काही महिन्यांतच आलेल्या आहेत.दोन्ही मालिका एकाच वाहिनीवरच्या असल्यामुळे हे कल्पनादारिद्रय़ वाहिनीच्या लक्षात आले नसेल काय? मराठीत चांगले लेखक नाहीत अशी ओरड नेहमीच केली जाते. गेले काही दिवस सातत्याने स्टार प्रवाह टीआरपीत नंबर वन असल्याचा डंका पिटवला जातो आहे. मग टीआरपी मिळवून देणाऱ्या मायबाप प्रेक्षकांची अशी फसवणूक करणे योग्य आहे का, याचा विचारही वाहिनीने करायला हवा.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 3, 2013 12:22 pm

Web Title: ideas poverty of television channel
टॅग : Entertainment
Next Stories
1 एका प्रेमाची यशस्वी गोष्ट!
2 लोकमान्य टिळक विद्यालयाचा वार्षिक सोहळा उत्साहात
3 अभिनेत्रीचे आयुष्य सोपे नसते – बिपाशा बासू
Just Now!
X