25 September 2020

News Flash

पत्नीचा खून केल्याबद्दल पतीला जन्मठेपेची शिक्षा

दारू पिण्यासाठी पसे देण्यास नकार देणाऱ्या पत्नीचा खून केल्याप्रकरणी पती पंडित हरिभाऊ राठोड यास जिल्हा न्यायालयाने जन्मठेपेची शिक्षा सुनावली.

| January 24, 2014 01:25 am

दारू पिण्यासाठी पसे देण्यास नकार देणाऱ्या पत्नीचा खून केल्याप्रकरणी पती पंडित हरिभाऊ राठोड यास जिल्हा न्यायालयाने जन्मठेपेची शिक्षा सुनावली.
पाथरी तालुक्यातील टाकळगव्हाण तांडा येथील पंडित हरिभाऊ राठोड यास दारूचे व्यसन होते. त्यातूनच तो पत्नी विजयमाला हिला मारहाण करीत होता. २१ मार्च २०१२ या दिवशी मध्यरात्री पंडित याने विजयमालाकडे दारूसाठी पसे मागितले. परंतु तिने पसे दिले नाही. त्यामुळे पंडित याने तिच्या पोटात विळा मारून खून केला. खुनानंतर पंडित पळून गेला. पहाटे गावातील लोकांनी त्यास पकडून पाथरी पोलिसांच्या ताब्यात दिले.
विजयमालाचे चुलते रंगनाथ दासू जाधव यांच्या तक्रारीवरुन आरोपीविरुद्ध खुनाचा गुन्हा दाखल झाला. या प्रकरणाचा तपास सहायक पोलीस निरीक्षक साईनाथ आवाड यांनी करुन न्यायालयात दोषारोपपत्र दाखल केले. सरकार पक्षातर्फे १० साक्षीदारांचे जबाब नोंदविले. सरकारी वकील ए. के. दुर्राणी यांचा युक्तीवाद ग्राह्य धरुन जिल्हा व सत्र न्यायाधीश एम. जी. शेवलीकर यांनी आरोपी पंडित यास जन्मठेप व शंभर रुपये दंडाची शिक्षा ठोठावली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 24, 2014 1:25 am

Web Title: imprisonment to husband in murder of wife
टॅग Husband,Parbhani
Next Stories
1 परभणीत वर्षभरात महिला अत्याचाराच्या ५१३ घटना
2 विलासरावांचे स्मृतिस्थळ मांजरा काठावर उभारणार
3 मांजरा परिवाराकडून उसाला दोन हजारांपेक्षा अधिक भाव
Just Now!
X