25 May 2020

News Flash

कराड परिवहन कार्यालय कोल्हापूर विभागात प्रथम

कराड उपप्रादेशिक परिवहन कार्यालयाने २०१२-१३ मध्ये उद्दिष्टाच्या ११४ टक्के एवढा, २४ कोटी रुपयांचा परिवहन महसूल जमा करून कोल्हापूर विभागात प्रथम क्रमांक पटकावला आहे.

| April 7, 2013 01:05 am

कराड उपप्रादेशिक परिवहन कार्यालयाने २०१२-१३ मध्ये उद्दिष्टाच्या ११४ टक्के एवढा, २४ कोटी रुपयांचा परिवहन महसूल जमा करून कोल्हापूर विभागात प्रथम क्रमांक पटकावला आहे.
मुख्यमंत्री पृथ्वीराज चव्हाण यांच्या विशेष प्रयत्नातून त्यांची कर्मभूमी असलेल्या कराडमध्ये सन २०११ मध्ये दसऱ्याच्या मुहूर्तावर म्हणजेच बरोबर दीड वर्षांपूर्वी हे उपप्रादेशिक परिवहन कार्यालय सुरू झाले. दरम्यान, या कार्यालयाकडून शासकीय तिजोरीत विक्रमी महसूल जमा होत आहे.
गेल्या वर्षांमध्ये  या कार्यालयाकडे ११ हजार ४८३ दुचाकी व २ हजार ७३ खाजगी वाहनांची नोंद झाली आहे. तर २३ हजार ९५१ वाहन चालवण्याचे परवाने देण्यात आले आहेत. १ कोटी ४५ लाखांचा दंड वसूल झाला असून, वाहनांच्या आकर्षक क्रमांकातून तब्बल ९० लाख तर व्यवसाय करातून ७० लाख ४० हजार रूपये जमा झाले आहेत. असा एकंदर २४ कोटी रुपयांचा महसूल जमा करून दिलेल्या लक्षांकाच्या ११४ टक्के वसुली या कार्यालयाने केली आहे. परिणामी सवरेत्कृष्ट कामगिरीबद्दल कराड उपप्रादेशिक कार्यालयास कोल्हापूर विभागात प्रथम क्रमांक मिळाला आहे. या कामगिरीबद्दल उपप्रादेशिक परिवहन अधिकारी लक्ष्मण दराडे, समन्वयक निळकंठ पाटील यांचे अभिनंदन होत आहे.
सदर कार्यालयाचे कामकाज संगणकावर करण्यात आले आहे. रस्ता सुरक्षा अभियानांतर्गत कराड व पाटण तालुक्यातील कारखान्यांच्या वाहनांवर रिफ्लेक्टर बसविण्याबरोबरच शाळा व महाविद्यालयांमध्ये सुरक्षित वाहतूक विषयक व्याख्यान आणि नो व्हेइकल डे, कार्यालयात येणाऱ्या वाहनधारक व वाहनचालकांकरिता वाहतुकीचे नियम व उपाययोजनांबाबत चित्रफीत दाखवणे असे उपक्रम या कार्यालयाकडून राबविण्यात येत आहेत. तात्पुरत्या भाडेतत्त्वावरील इमारतीत सध्या कराड उपप्रादेशिक परिवहन कार्यालय सुरू असून, या कार्यालयाच्या नवीन इमारतीचे काम सध्या गतीने सुरू आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 7, 2013 1:05 am

Web Title: karad rto first in kolhapur division
टॅग Karad,Rto
Next Stories
1 शिर्डीत पावणेदोन लाखांच्या बनावट नोटा जप्त
2 शेतकऱ्यांना मात्र खरीपातील मदतीचीच प्रतीक्षा!
3 शेतकऱ्यांचे दीड हजार कोटींचे नुकसान
Just Now!
X