सरलाबाई म्हात्रे विद्यालय डोंबिवली या शाळेमध्ये लोकसत्ता व सेंट्रल बँक यांच्या संयुक्त विद्यमाने ‘लोकसत्ता यशस्वी भव’अंतर्गत मार्गदर्शन शिबिराचे आयोजन करण्यात आले होते. यावेळी दहावी विद्यार्थ्यांसाठीच्या ‘लोकसत्ता यशस्वी भव’ पुस्तिकेचे वाटप करण्यात आले. या कार्यक्रमात सेंट्रल बँकेचे उपव्यवस्थापक तांबे व शाळेचे मुख्याध्यापक उपस्थित होते. या कार्यक्रमप्रसंगी बोलताना तांबे यांनी सेंट्रल बँक विद्यार्थ्यांच्या शिक्षणासाठी मदत करत राहील, तसेच विद्यार्थ्यांच्या उच्च शिक्षणासाठी माफक दरामध्ये शैक्षणिक कर्ज उपलब्ध करून देईल, असे तांबे यांनी सांगितले. याप्रसंगी विद्यार्थ्यांना साहेबराव महाजन यांनी इंग्रजी विषयावर मार्गदर्शन केले. लोकसत्ताचे अजयकुमार चुक आणि योगेश मोरे उपस्थित होते.