News Flash

यंत्रमाग कामगारांच्या बंदमुळे वस्त्रनगरीतील उलाढाल ठप्प

मासिक १० हजार रूपये वेतनाच्या मागणीसाठी यंत्रमाग कामगारांनी सोमवारपासून बेमुदत काम बंद आंदोलन सुरू केल्याने दोन दिवसात इचलकरंजीच्या वस्त्रोद्योगातील सुमारे ५० कोटी रूपयांची उलाढाल ठप्प

| January 22, 2013 09:50 am

मासिक १० हजार रूपये वेतनाच्या मागणीसाठी यंत्रमाग कामगारांनी सोमवारपासून बेमुदत काम बंद आंदोलन सुरू केल्याने दोन दिवसात इचलकरंजीच्या वस्त्रोद्योगातील सुमारे ५० कोटी रूपयांची उलाढाल ठप्प झाली आहे. तर, मंगळवारी झालेल्या यंत्रमाग कामगारांच्या मेळाव्यात उद्या बुधवारी प्रांत कार्यालयावर मोर्चा काढण्याचा निर्णय घेण्यात आला. यंत्रमागधारकांचा मेळावा गुरूवारी होणार आहे.    
शहराच्या आर्थिक व्यवहारावर बंदचा परिणाम जाणवू लागला आहे. यंत्रमागासाठी लागणारे सूत व कापड विक्री थंडावली आहे. सायझिंग सुध्दा बंद पडले आहेत. प्रोसेसचे व्यवहार मंदावलेले आहेत. दररोज सुमारे २५ कोटी रूपयांची उलाढाल होत असते. ती आता ठप्प झाली आहे.     
थोरात चौकात झालेल्या यंत्रमाग कामगार कृती समितीच्या मेळाव्यात आंदोलनाची तीव्रता वाढविण्याचा निर्णय घेण्यात आला. कॉ.दत्ता माने यांनी बुधवारी प्रांत कार्यालयावर धडक मोर्चा काढण्याचा निर्णय जाहीर केला. अन्य कामगार नेत्यांची भाषणे झाली.     
शहरातील चार यंत्रमागधारकांच्यावतीने प्रसिध्दीस दिलेल्या पत्रकात गुरूवारी मंगलधाम येथे यंत्रमागधारकांचा मेळावा होणार असल्याचे म्हटले आहे. कामगारांच्या बंदचा घडामोडींचा आढावा घेऊन व यंत्रमागधारकांची मते आजमावून पुढील निर्णय मेळाव्यात घेतला जाणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 22, 2013 9:50 am

Web Title: loss of 50 crores due to strike of powerloom workers
Next Stories
1 पोलीस ठाणे ऑनलाइन पद्धती प्रशिक्षण कार्यशाळा
2 दुष्काळ निवारणासाठी जिल्हा परिषद ठोस पावले आखत नसल्याची टीका
3 राज ठाकरे यांची कोल्हापुरात १२ फेब्रुवारी रोजी सभा
Just Now!
X