News Flash

महालक्ष्मीचा आज कोल्हापुरात रथोत्सव

चैत्र पौर्णिमेच्या दुसऱ्या दिवशी भरणाऱ्या करवीरनिवासिनी महालक्ष्मीचा रथोत्सव उद्या शुक्रवारी होत आहे. चांदीच्या रथातून निघणारी मिरवणूक पाहण्यासाठी हजारो भाविकांची गर्दी होत असते.

| April 26, 2013 01:18 am

चैत्र पौर्णिमेच्या दुसऱ्या दिवशी भरणाऱ्या करवीरनिवासिनी महालक्ष्मीचा रथोत्सव उद्या शुक्रवारी होत आहे. चांदीच्या रथातून निघणारी मिरवणूक पाहण्यासाठी हजारो भाविकांची गर्दी होत असते.
कोल्हापुरातील रथोत्सवास जुनी परंपरा आहे. जोतिबाची यात्रा झाल्यानंतर दुसऱ्या दिवशी रथोत्सव होतो. १९१४ साली रथोत्सव सुरू करण्यात आला. पूर्वी रथोत्सवासाठी लाकडी रथ वापरला जात होता. गेल्या तीन वर्षांपासून लाकडी रथ चांदीने मढविला गेला आहे. त्यासाठी महालक्ष्मीच्या भक्तांनी सढळ हाताने मदत केली होती. महालक्ष्मी मंदिराची उभारणी करताना ज्या घटकांचा अभ्यास केला होता तो रथासाठीही वापरण्यात आला आहे. मिरवणुकीमध्ये हत्ती, घोडे, वाद्ये, छत्रपतींचा लवाजमा, लष्करातील जवान, शासकीय अधिकारी यांचा पूर्वी सहभाग असे. आता भाविकांकडून हा रथ ओढला जातो. रथमार्ग सुशोभित केला जातो. नयनरम्य आतषबाजीही केली जाते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 26, 2013 1:18 am

Web Title: mahalaxmi chariot festival celebrated in kolhapur
टॅग : Celebrated,Kolhapur
Next Stories
1 महावीर जयंतीनिमित्त कराडात विविध कार्यक्रम
2 फेटय़ांचे बिल मागण्यावरून पिता-पुत्राला मारहाण करून लुटले
3 सोलापुरात वादळासह पावसाची हजेरी
Just Now!
X