23 September 2020

News Flash

ग्रामपंचायतींना ‘एमआयडीसी’चा पाणी तोडण्याचा इशारा

डोंबिवली परिसरातील ४० ग्रामपंचायतींनी महाराष्ट्र औद्योगिक विकास महामंडळाची पाणी देयकाची १५ कोटी ६८ लाख रुपयांची रक्कम थकवली आहे.

| November 1, 2014 01:01 am

डोंबिवली परिसरातील ४० ग्रामपंचायतींनी महाराष्ट्र औद्योगिक विकास महामंडळाची पाणी देयकाची १५ कोटी ६८ लाख रुपयांची रक्कम थकवली आहे. येत्या दहा दिवसांत ग्रामपंचायतींनी थकीत रक्कम भरणा केली नाही तर संबंधित गावांचा पाणीपुरवठा खंडित करण्यात येणार आहे, असे एमआयडीसीचे डोंबिवली विभागाचे कार्यकारी अभियंता शंकर जगताप यांनी सागितले.
ग्रामपंचायत हद्दीत केवळ गावे राहिली नाहीत त्यांच्या बाजूला, गावात मोठी गृहसंकुले उभी राहिली आहेत. या संकुलांना ग्रामपंचायतींकडून पाणीपुरवठा केला जातो. ग्रामपंचायती या गृहसंकुलांमधून लाखो रुपयांची घरपट्टी वसूल करतात, असे अधिकाऱ्याने स्पष्ट केले.
सोनारपाडा, वसार, नांदिवली, भोपर, काटई, मानपाडा या ग्रामपंचायतींची पाणी देयकांची थकबाकी १ कोटी रुपयांहून अधिक आहे. उसरघर पंचायतीने पाणी देयक भरणा केले आहे. उर्वरित ३९ पंचायतींना नोटिसा पाठवण्यात आल्या आहेत. येत्या दहा दिवसांत ग्रामपंचायतींनी पाणी देयक रक्कम भरणा केली तर त्या वरील दंड रक्कम माफ करण्यात येईल, असे जगताप यांनी सांगितले.
आमदार सुभाष भोईर यांनी ग्रामीण भागातील पाणीटंचाईबाबत काल महाराष्ट्र जीवन प्राधिकरणाच्या अधिकाऱ्यांची भेट घेतली. या पाश्र्वभूमीवर ते या थकीत रकमेबाबत कोणती भूमिका घेतात याकडे ग्रामस्थांचे लक्ष आहे. येत्या नऊ महिन्यांत ग्रामपंचायत, जिल्हा परिषदेच्या निवडणुका आहेत. त्या वेळी या थकीत रकमेविषयी जिल्हा प्रशासन काय भूमिका घेते याकडे एमआयडीसीचे लक्ष लागले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 1, 2014 1:01 am

Web Title: midc hint panchayats for cutting of water supply
टॅग Midc
Next Stories
1 गेले खासदार कुणीकडे?
2 तक्रार दाखल करून घेण्यासाठी तीन तास..
3 गरीब वस्त्यांमधील कलावंतांना व्यासपीठ
Just Now!
X