28 September 2020

News Flash

प्रलंबित मागण्यांसाठी जलसेवा कर्मचाऱ्यांचे आंदोलन

विविध प्रलंबित मागण्यांकडे लक्ष वेधण्यासाठी महाराष्ट्र जलसेवा कर्मचारी महासंघाच्या जल अभियंता जलसेवा संघटनांच्या वतीने येथे आंदोलन करण्यात आले.

| October 1, 2013 09:21 am

विविध प्रलंबित मागण्यांकडे लक्ष वेधण्यासाठी महाराष्ट्र जलसेवा कर्मचारी महासंघाच्या जल अभियंता जलसेवा संघटनांच्या वतीने येथे आंदोलन करण्यात आले. या वेळी जीवन प्राधिकरणचे अधीक्षक अभियंता देवेंद्र लांडगे यांना निवेदनही देण्यात आले.
महाराष्ट्र जीवन प्राधिकरण व शासनाच्या नाकर्तेपणामुळे मागण्या मंजूर करण्यास वर्षांनुवर्षांचा कालावधी निघून गेला आहे. त्यामुळे नाइलाजास्तव महाराष्ट्र जलसेवा कर्मचारी महासंघास आंदोलनाचा निर्णय घ्यावा लागल्याचे महासंघाने निवेदनात म्हटले आहे.
निवेदनातील प्रमुख मागण्यांमध्ये १९९८ पासून बंद असलेली अनुकंपा भरती ताबडतोब करावी, सहाव्या वेतन आयोगातील वेतनाच्या फरकाची रक्कम भविष्य निर्वाह निधी खात्यात जमा करावी, सेवानिवृत्त कर्मचाऱ्यांना सहाव्या वेतनाच्या फरकाची रक्कम बँक खात्यात जमा करावी, २४ वर्षांची आश्वासीत प्रगती योजना तत्काळ लागू करावी, पदवीधारक शाखा अभियंत्यांची उपविभागीय अधिकारी पदावर पदोन्नती करावी, चतुर्थश्रेणी कर्मचाऱ्यांना रिक्तपदी पदोन्नती द्यावी (उदा. वायरमन, पंप चालक, इलेक्ट्रिशियन इत्यादी), महाराष्ट्र जीवन प्राधिकरणातील कर्मचाऱ्यांचे महानगरपालिका, नगरपालिका, जिल्हा परिषद यांच्याकडे कायमस्वरूपी हस्तांतरण झाले आहे. त्यांची सर्व देणी रक्कम संबंधित स्थानिक स्वराज्य संस्थेकडे अदा करण्यात यावी, महापालिकेकडे वर्ग झालेल्या कर्मचाऱ्यांची सेवा अखंडित धरून कालबद्ध पदोन्नती करावी या मागण्यांचा समावेश आहे.
या सर्व मागण्यांसाठी महाराष्ट्र जलसेवा कर्मचारी महासंघाचे कार्यकारिणी व स्थानिक कर्मचाऱ्यांनी अधीक्षक अभियंता परिमंडळ यांच्या कार्यालयासमोर एक दिवसाचे धरणे आंदोलन केले. या आंदोलनामध्ये प्रादेशिक महामंत्री गजानन गटलेवार, अध्यक्ष टी. जी. पिंजन, कोषाध्यक्ष माधवराव लोहे, मुख्य संघटक रवींद्र परदेशी आदींसह महाराष्ट्रातून १००पर्यंत सभासद हजर राहतील, अशी माहिती महासंघाचे उपसरचिटणीस डी. पी. पाटील, उपाध्यक्ष एस. एल. चारभे यांनी दिली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 1, 2013 9:21 am

Web Title: nursery ship workers movementfor pending demands
टॅग Movement,Nashik
Next Stories
1 जखमी मित्राला खांद्यावर घेत तो धावत सुटला..
2 प्रादेशिक परिवहन प्राधिकरणाच्या विरोधात शिवसेनेचा मोर्चा
3 देवळा बाजार समितीवर प्रशासकाची नियुक्ती
Just Now!
X