सागवान वृक्षांची अतोनात अवैध तोड होत असतानाही कर्तव्यात कसूर करणाऱ्या वन अधिकारी आणि कर्मचाऱ्यांना वनविभागाने चौकशीअंती निलंबित केले आहे. पांढरकवडा तालुक्यातील मोदादी जंगलात सागवान वृक्षांची अवैध तोड होत असल्याच्या तक्रारी पांढरकवडा वनविभागाच्या उपवनसंरक्षक अधिकाऱ्यांकडे करण्यात आली होती. सखोल चौकशीनंतर प्राप्त झालेल्या अहवालानुसार सरकारने मुकुटबन येथील वनपरिक्षेत्र अधिकारी विजय कडू, वनपाल व्ही.जी. राननवरे, वनरक्षक व्ही.एस. रनमले आणि चौकीदार रमेश नकशेट्टीवार, कुंडेकर, अशा पाच जणांना निलंबित करण्यात आले आहे.
