देवरी तालुक्यातील चिचगड पोलीस ठाण्यांतर्गत येणाऱ्या पालांदूर-जमी येथील शासकीय माध्यमिक आश्रमशाळेतील विद्यार्थी ओमराव झमक कोरचे (१३, रा. रामगड) याला सर्पदंश झाला. त्याला चिचगड येथील प्राथमिक आरोग्य केंद्रात दाखल करण्यात आले होते.
सर्पदंशाच्या दुसऱ्या घटनेत देवरी येथील राम संतोष महानंद (१८) याला सर्पदंश झाला. त्याला देवरी येथील ग्रामीण रुग्णालयात दाखल करण्यात आले होते. सर्पदंशाच्या तिसऱ्या घटनेत सालेकसा पोलीस ठाण्यांतर्गत येणाऱ्या कोसाटोला येथील अजंता राधेश्याम उके (२३) याला सर्पदंश झाला. त्याला सालेकसा येथील ग्रामीण रुग्णालयात दाखल करण्यात आले होते.
मात्र, या तिघांचीही प्रकृती खालावल्याने त्यांना पुढील उपचारासाठी केटीएस जिल्हा सामान्य रुग्णालयात हलवण्यात आले आहे. तिघांवर गोंदिया येथील केटीएस जिल्हा सामान्य रुग्णालयात उपचार सुरू आहेत.